ကမ္ဘောဇတိုင်း
.
ရခိုင်ပြည်နယ်မှ အသွားအလာ ကန့်သတ်စောင့်ကြည့်ထားသူ ၅ ဦးနှင့်
ရန်ကုန်တိုင်းဒေသကြီးမှ စောင့်ကြည့်လူနာ ၁ ဦး၊ စုစုပေါင်း ၆ ဦးတို့တွင် COVID-19 ရောဂါပိုး တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ ဩဂုတ်လ
၂၇ ရက်၊ နံနက် ၈ နာရီအချိန် ထုတ်ပြန်ချက်များအရ သိရသည်။
.
.
အဆိုပါ ပိုးတွေ့လူနာများမှာ ရခိုင်ပြည်နယ်၊ မြောက်ဦးမြို့နယ်တွင်အသွားအလာ
ကန့်သတ်စောင့်ကြည့်ထားသူ ၃ ဦး၊ ဘူးသီးတောင်မြို့နယ်တွင် အသွားအလာ ကန့်သတ်ထားသူ ၂
ဦးနှင့် စစ်တွေမြို့သို့ ခရီးသွားရာဇဝင် ရှိသူ ရန်ကုန်တိုင်းဒေသကြီး၊ ဒဂုံမြို့သစ်
တောင်ပိုင်းမြို့နယ် နေ စောင့်ကြည့်လူနာ တစ်ဦးတို့ဖြစ်ကြောင်း သိရသည်။
ဩဂုတ်လ ၂၆ ရက်တွင် COVID-19 ရောဂါ ဓါတ်ခွဲစစ်ဆေးမှုများ
အနေဖြင့် အမျိုးသားကျန်းမာရေး ဓာတ်ခွဲမှုဆိုင်ရာ ဌာန(ရန်ကုန်) (NHL) မှ (ပထမ +
ဒုတိယအသုတ်) ဓာတ်ခွဲနမူနာ ၁၂၈၄ ခု၊ ဆေးသုတေသနဦးစီးဌာန (DMR) မှ ဓာတ်ခွဲနမူနာ ၃၁၈ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန
(မန္တလေး) မှ ဓာတ်ခွဲနမူနာ ၇၃ ခု၊ ပြည်သူ့ ကျန်းမာရေး ဓာတ်ခွဲမှုဆိုင်ရာဌာန (မော်လမြိုင်) မှ
(ပထမ + ဒုတိယအသုတ်) ဓာတ်ခွဲနမူနာ ၄၃၂ ခု၊ ပြည်သူ့ ဆေးရုံကြီး၊ စစ်တွေမြို့မှ ဓာတ်ခွဲနမူနာ ၂၃ ခု၊ ပြည်သူ့ဆေးရုံကြီး၊
ကျောက်ဖြူမြို့မှ ဓာတ်ခွဲနမူနာ ၂၄ ခုနှင့် ရန်ကုန်မြို့၊ အမှတ် (၁) တပ်မတော်ဆေးရုံကြီး (ခုတင်-၁၀၀၀)မှ
ဓာတ်ခွဲနမူနာ ၁၄၂ ခု၊
စုစုပေါင်း ၂၂၉၆ ခုအား စစ်ဆေးခဲ့ခြင်း ဖြစ်ကြောင်း သိရသည်။
.
မြန်မာနိုင်ငံတစ်ဝှမ်းတွင် ယနေ့ ဩဂုတ်လ ၂၇ ရက်၊ နံနက်ပိုင်းအထိ
COVID-19
ရောဂါ ဓါတ်ခွဲအတည်ပြုလူနာ ၅၈၆ ဦး ရှိလာနေပြီဖြစ်ပြီး ၎င်းတို့အနက် ၆
ဦး သေဆုံး၍ ၃၄၅ ဦးမှာ ရောဂါမှ ပြန်လည်သက်သာလာပြီဖြစ်ကြောင်း သိရသည်။
.
