တရုတ်နိုင်ငံအရှေ့ပိုင်းတွင် ဗိုင်းရပ်စ်တစ်မျိုးမှ ဖြစ်ပွားသည့် ရောဂါကြောင့် လူ ၁၀ ဦး သေဆုံးပြီး ၆၇ ဦးကျော် ကူးစက် ခံထားရ

မင်းဇော်မင်း

.

တရုတ်နိုင်ငံအရှေ့ပိုင်းတွင် မွှားကောင်များမှတစ်ဆင့် ဗိုင်းရပ်ပိုးတစ်မျိုး ကူးစက်ကာ လူ ၁၀ ဦး သေဆုံးပြီး ၆၇ ဦး ရောဂါ ကူးစက်ခံနေရကြောင်း သိရသည်။

.

.

တရုတ်နိုင်ငံအရှေ့ပိုင်း၊ အန်ဟွေ့၊ ချန်ဇုပြည်နယ်များတွင် အဆိုပါဗိုင်းရပ်စ် ကူးစက်မှု ဖြစ်ပွားနေခြင်းဖြစ်ပြီး အန်ဟွေ့ ပြည်နယ်တွင် လူပေါင်း ၂၃ ဦး ရောဂါကူးစက်ခံထားရကာ ချန်ဇုပြည်နယ်တွင် ၃၇ ဦး ကူးစက်ခံထားရကြောင်းနှင့် ယင်းရောဂါ ကူးစက်မှုမှာ ဒုတိယအကြိမ်ဖြစ်ပြီး ၂၀၂၀ ပြည့်နှစ် အစောပိုင်းကာလကတည်းက ရောဂါကူးစက်မှု ဖြစ်ပွား နေခြင်းဖြစ်ကြောင်း သိရသည်။

.

ချန်ဇုပြည်နယ်၊ နန်ကျင်းရှိ အမျိုးသမီးတစ်ဦးတွင် ချောင်းဆိုး၊ ခေါင်းကိုက်ရာမှ အနီးစက်များ ထွက်ပေါ်လာသဖြင့် ဆေးရုံတက်ရောက်ကုသရာမှ အဆိုပါဗိုင်းရပ်စ် (Severe Fever with Thrombocytopenia Synderome-SFTS) ရောဂါ ကူးစက်ခံရခြင်းဖြစ်ကြောင်း သိရကာ တစ်လခန့်အကြာ ဆေးကုသမှုခံယူသွားခဲ့ပြီးနောက် ဆေးရုံမှ ဆင်းသွားပြီး ဖြစ်ကြောင်းနှင့် အန်ဟွေးပြည်နယ်တွင်မူ လူပေါင်း ၁၀ ဦးအထိ သေဆုံးခဲ့‌ပြီးဖြစ်ကြောင်း သိရသည်။

.

SFTS ဗိုင်းရပ်စ်သည် ၂၀၁၁ ခုနှစ်ကတည်းက တရုတ်သိပ္ပံပညာရှင်များမှ တွေ့ရှိခဲ့ခြင်းဖြစ်ပြီး Bunyarvirus အမျိုးအစား အုပ်စုဖြစ်ကြောင်းနှင့် ကျွမ်းကျင်သူများ၊ ဓါတ်ခွဲခန်းရလဒ်များအရ မွှား (Tick) ကိုက်ခံရခြင်းမှ တစ်ဆင့် လူ့ခန္ဓာကိုယ်အတွင်းသို့ ဝင်ရောက်ခြင်းဖြစ်ပြီး လူနာ၏ ခန္ဓာကိုယ်မှ ထွက်သည့်အရည်များမှတစ်ဆင့် လူသို့ ကူးစက်နိုင်သည်ဟု သိရသည်။

.

SFTS ရောဂါဖြစ်ပါက ကုသမှုခံယူခြင်းနှင့် အခြားသို့ ကူးစက်ခြင်းမရှိစေရန် ဆင်ခြင်နေထိုင်ကြရန်နှင့် ကိုရိုနာဗိုင်းရပ်စ်ကဲ့သို့ ကမ္ဘာလုံးဆိုင်ရာ Pandemic ဖြစ်ပွားရန် အလားအလာမရှိကြောင်း တရုတ်ရောဂါဗေဒပညာရှင် ဒေါက်တာရှန် ကပြောဆိုခဲ့သည်ဟု တရုတ်သတင်းများတွင် ဖော်ပြထားသည်။

.