ကိုစိုး (ကမ္ဘောဇတိုင်း)
.
ရခိုင်ပြည်နယ်၊ စစ်တွေမြို့မှ COVID-19 ပိုးတွေ့လူနာ အမှတ် (၃၇၅) နှင့်အတူ လေယာဉ်စီးနင်းခဲ့သည့် အမျိုးသမီး တစ်ဦး
အပါအဝင် ရှမ်းပြည်နယ်တောင်ပိုင်းမှ ဓါတ်ခွဲနမူနာများကို ယနေ့ ဩဂုတ်လ ၂၂ ရက်၊ ညနေတွင်
ရန်ကုန်မြို့ရှိ အမျိုးသားကျန်းမာရေးဓါတ်ခွဲမှုဆိုင်ရာဌာနသို့ ပေးပို့စစ်ဆေးသွားရန်ရှိသည်ဟု
ရှမ်းပြည်နယ် ပြည်သူ့ကျန်းမာရေး ဦးစီးဌာနမှ သိရသည်။
.
.
“Case-375 နဲ့ လေယာဉ်အတူစီးလာတာက တစ်ယောက်၊ သူနဲ့အတူ
ပါလာတဲ့ ၂ ယောက်နဲ့ သူတို့ ငှားစီးလာတဲ့ ကားဆရာ စုစုပေါင်း ၄ ဦးရဲ့ ဓါတ်ခွဲနမူနာတွေကို
ပေးပို့စစ်ဆေးသွားမှာပါ။ နောက်ထပ် ဓါတ်ခွဲပေးပို့ဖို့လည်း ရှိပါသေးတယ်။ အဖြေကတော့ မနက်ဖြန်ည
သို့မဟုတ် သဘက်ခါမနက်လောက်တော့ ရမယ်လို့ ခန့်မှန်းပါတယ်။ ပုံသေပြောလို့တော့ မရပါဘူး”
ဟု ရှမ်းပြည်နယ် ပြည်သူ့ကျန်းမာရေးဦးစီးဌာနမှ လက်ထောက်ညွှန်ကြားရေးမှူး ဒေါက်တာဇဝနကိုက
ကမ္ဘောဇတိုင်းသို့ ပြောသည်။
အဆိုပါ ပိုးတွေ့လူနာ အမှတ် (၃၇၅) နှင့် လေယာဉ်အတူ စီးနင်းခဲ့သည့်
အမျိုးသမီးမှာ ဩဂုတ်လ ၁၄ ရက်က တောင်ကြီးမြို့သို့ အလုပ်ကိစ္စဖြင့် ရောက်ရှိလာခြင်းဖြစ်ပြီး
၎င်းနှင့်အတူ ပါလာသူ ၂ ဦးနှင့် ယာဉ်မောင်းတို့ကို တောင်ကြီးမြို့ရှိ Quarantine Center တစ်ခုတွင် သီးခြားထားရှိ စောင့်ကြည့်နေလျက်ရှိကြောင်း သိရသည်။
.
