မွေတော်ကက္ကူဘုရားရှိ သက်တမ်းရင့်ညောင်ပင်အို လဲကျ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, August 5, 2020

မွေတော်ကက္ကူဘုရားရှိ သက်တမ်းရင့်ညောင်ပင်အို လဲကျ

ခွန်အာကာ(ကျောက်တလုံး)
.
ရှမ်းပြည်နယ် တောင်ပိုင်း၊ တောင်ကြီးမြို့နယ်၊ ကျောက်တလုံးကြီးမြို့၊ ကက္ကူကျေးရွာအုပ်စုမှ သမိုင်းဝင်မွေတော်ကက္ကူဘုရား ပရဝဏ်အတွင်းရှိ သက်တမ်းရင့် ညောင်ပင်အိုသည် အမြစ်များ ​ဆွေး​မြေ့​နေသဖြင့် မိုးရေကြောင့် အပင်၏ အလေးချိန်အား ခံနိုင်ဝန် မရှိတော့၍ ဩဂုတ်လ ၅ ရက်၊ နံနက် ၃ နာရီခန့်တွင် အမြစ်မှ လန်၍ လဲကျခဲ့ကြောင်း သိရသည်။
.

အဆိုပါ ညောင်ပင်အို အမြစ်မှ လန်၍ လဲကျရာ နေရာသို့ ကျောက်တလုံးကြီးမြို့၊ မြို့အုပ်ချုပ်ရေးမှူး ဦးစောချမ်းနှင့် ဌာနဆိုင်ရာ တာဝန်ရှိသူများ၊ ဒေသခံပြည်သူများက သွား​ရောက်၍ လဲကျ သစ်ကိုင်းများအား ရှင်းလင်းရေး လုပ်ငန်းများ ဆောင်ရွက်ခဲ့ကြောင်း သိရသည်။
.
ယင်း ညောင်ပင်သည် မွေတော်ကက္ကူဘုရား၏ အနောက်တောင်ဘက် ဘုရားဖူးဧည့်သည်များ နားနေရာ‌ ဖြစ်ပြီး၊ သက်တမ်းအားဖြင့် နှစ် ၁၀၀ ကျော်ခန့် ရှိပြီ ဖြစ်ကာ လုံးပတ် ၁၈ ပေ၊ အရှည် ၁၅၀ ပေကျော်ခန့် ရှိကြောင်းနှင့် ​ညောင်ပင် လဲကျမှု​ကြောင့် လူ၊ တိရစ္ဆာန်နှင့် အဆောက်အဦများ ထိခိုက်မှု မရှိကြောင်း သိရသည်။

No comments:

Post a Comment

Journal Download

Photo of three cats

About