ပင်ဖြစ်ရဲကင်းတွင် ရဲဒုတပ်ကြပ်က ရဲတပ်ကြပ်နှင့် ရဲတပ်သားတို့ကို ရဲဒင်းဖြင့် ခုတ်သတ် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, August 6, 2020

ပင်ဖြစ်ရဲကင်းတွင် ရဲဒုတပ်ကြပ်က ရဲတပ်ကြပ်နှင့် ရဲတပ်သားတို့ကို ရဲဒင်းဖြင့် ခုတ်သတ်

ရပ်​စောက်မြို့နယ်၊ ယမ်းတွင်းငါး​ကြောင် ​ကျေးရွာအုပ်စု၊ ပင်ဖြစ်​ကျေးရွာရှိ ရဲကင်းစခန်း၌ သြဂုတ်လ ၄ ရက်၊ ည ၁၁ နာရီခွဲခန့်တွင် ရဲဒုတပ်ကြပ် တစ်ဦးက ရဲတပ်ကြပ်နှင့် ရဲတပ်သားတို့ကို ရဲဒင်းဖြင့် ခုတ်၍ ​သေဆုံးသွား​ကြောင်း သိရသည်။
.

ရဲဒင်းဖြင့် ခုတ်သူမှာ ရဲဒုတပ်ကြပ် ချစ်ကိုကို ဖြစ်ပြီး ​သေဆုံးသူများမှာ ရဲတပ်ကြပ် စံမြင့်နှင့် ရဲတပ်သား စိုင်းထွန်းထွန်းလင်းတို့ ဖြစ်​ကြောင်း သိရသည်။
.
ရဲဒုတပ်ကြပ် ချစ်ကိုကိုသည် ၄င်း၏ ဇနီးဖြစ်သူနှင့် စကားများ ရန်ဖြစ်​နေသည့်အတွက် ​သေဆုံးသူ ရဲတပ်ဖွဲ့ဝင်များက ​အော်ဟစ် ဟန့်တားရာ ရဲဒုတပ်ကြပ် ချစ်ကိုကိုမှ ရဲကင်းမီးဖို​ဆောင်ရှိ ရဲဒင်းဖြင့် ​သေဆုံးသူများအား ခုတ်ခဲ့ခြင်း ဖြစ်​ကြောင်း သိရသည်။
.
ယင်းကဲ့သို့ ရဲဒင်းဖြင့် ခုတ်ခြင်း​ကြောင့် ရဲတပ်ကြပ် စံမြင့်တွင် ဝဲဘက်လည်ပင်း ပြတ်ရှ ​သွေးထွက် ဒဏ်ရာ၊ ယာမျက်ခုံးမှ နှာ​ခေါင်းထိ ပြတ်ရှ ​သွေးထွက် ဒဏ်ရာနှင့် ရဲတပ်သား စိုင်းထွန်းထွန်းလင်းတွင် ဦး​ခေါင်း​နောက်​စေ့ ပြတ်ရှ ​သွေးထွက်ဒဏ်ရာ၊ လည်ပင်း ယာဘက် ပြတ်ရှ ​သွေးထွက် ဒဏ်ရာများ ရရှိ၍ ​ဆေးကုသမှု ​ပေးရန် ရပ်​စောက် ​ဆေးရုံသို့ ပို့​ဆောင်ကာ ​ဆေးရုံသို့ ​​ရောက်ရှိစဥ် ရရှိ​သော ဒဏ်ရာများဖြင့် ​သေဆုံးသွားခဲ့​ကြောင်း သိရသည်။
.
အဆိုပါ ရဲတပ်ဖွဲ့ဝင်များအား ​သေ​စေသည်ထိ ရဲဒင်းဖြင့် ခုတ်သူ ရဲဒုတပ်ကြပ် ချစ်ကိုကိုအား ရပ်​စောက်မြို့မရဲစခန်းတွင် (ပ) ၉၁/၂၀၂၀၊ ရာဇသတ်ကြီးပုဒ်မ ၃၀၂ ဖြင့် အမှုဖွင့်၍ ဖမ်းဆီး အ​ရေးယူ ​ဆောင်ရွက်ထား​ကြောင်း သိရသည်။

No comments:

Post a Comment

Journal Download

Photo of three cats

About