အမှိုက်ကစ ပြဿဒ်မီးလောင်ခြင်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, August 6, 2020

အမှိုက်ကစ ပြဿဒ်မီးလောင်ခြင်း


နေနေ
.
အမှိုက်ကစ ပြဿဒ်မီးလောင်တဲ့။ စဉ်းစားကြည့်တော့ ဒီစ ကားပုံသည် တော်တော် စိတ်ဝင်စားဖွယ် ကောင်းလေ၏။ အ မှိုက်ဆိုသည်မှာ အသုံးမဝင်ခြင်း၊ စွန့်ပစ်ခြင်း ဖြစ်ပေသည်။ ထို အသုံးမဝင် စွန့်ပစ်ခြင်းခံရသော အမှိုက်က အဘယ့်ကြောင့် ပြ ဿဒ်ထိတိုင်အောင် မီးလောင်ခြင်းသို့ ရောက်ရှိသနည်း။ တန် တော့မှရမည်။ သို့မို့ဆိုလျှင် ကျွန်ုပ်၏ ဆိုလိုခြင်း လွဲချော်သွားနိုင် ၏။ အမှိုက်မှ ရွှေဖြစ်တို့၊ ဘာတို့ဖြစ်သွားနိုင်သည်။ ကျွန်ုပ်က အ လုပ်မရှိ၊ အလုပ်ရှာ ကြောင်ရေချိုးနေခြင်း မဟုတ်။ အနှီစကားပုံ အား ကျွန်ုပ်က အချိန်သင့် အခါသင့် ပြောင်းလဲသွားနိုင်ကြောင်း စဉ်းစားမိသောကြောင့် ဖြစ်သည်။ အဘယ့်ကြောင့်ဆိုသော် အ နှီစကားပုံက ကျွန်ုပ်တို့၏ မြို့ငယ်လေးပေါ်တွင် အလွန်တရာ ရေပန်းစား ခေတ်ထနေသောကြောင့် ဖြစ်သည်။
.
လိုင်းပေါ်တက်၍ ပထမဆုံး မိမိမြို့အကြောင်း စပ်စုမိလတ္တံ သော ၎င်းကိစ္စသတင်းက အမြဲတစေပါဝင်စမြဲပင်တည်း။ရှင်းအံ့။
.
ကျွန်ုပ်တို့၏ မြို့ငယ်လေးသည် လွန်စွာဝဋ်ကြီးပေ၏လော။ သို့မဟုတ် ဘယ်ဘဝက အမည်သို့သောသူကို ဘယ်လိုဒဏ်ပေး စနစ်မျိုး ကျင့်သုံးမိသည် မသိ။ တစ်နေ့တစ်နေ့ ယင်းအသံရှင် အား မျှော်၊ မျှော်နေရ၏။ အေးအေးလူလူ နေထိုင်ခြင်းကိုသာ နှစ်သက်သော မြို့သူမြို့သားတို့မှာ နားတစွင့်စွင့် ဖြစ်ရချေပြီ။ မည်သည့်အချိန်တွင် မည်သည့်အရပ်က ရောက်ရှိလာမည်မှန်း မသိသော ဝေါယာဉ်ကို မျှော်ရ၏။ ကြွေးရှင်ကို ကြောက်၍ ပုန်း ရှောင်ခြင်းသာရှိ၏။ ယခုကိစ္စက တည့်တည့်ရင်ဆိုင် ဖြေရှင်းမှ ပြေလည်ခြင်းရှိပေမည်။ ယင်းဝေါယာဉ်သံကို ဝေးဝေးကကြားရ တည်းက ကျွန်ုပ်တို့၏ မြို့သူ၊ မြို့သားတို့မှာ တာထွက်ကောင်း သော မာရသွန်အပြေးသမားထက်ပင် လျင်မြန်သော အရှိန်နှင့် အိမ်တွင်ကြာညောင်းစွာ လဲလျောင်းရက်အောင်းနေလေသော အထုပ်ကြီး၊ အထုပ်ငယ်၊ အထုပ်သိမ်တို့အား ပြေးဆွဲရစမြဲပင် တည်း။ ထိုသို့မဟုတ်က နောက်ကျသော ခြေထောက်က သစ္စာ ဖောက်ပေလိမ့်မည်။ မနိုင်ရင် တရွတ်ဆွဲအပါခေါ်နိုင်မှ တန်ကာ ကျနိုင်မည်။ ထိုသို့ ဝရုန်းသုန်းကား ဖြစ်ပျက်ပြီးသော ငယ်လှစွာ သော မျက်နှာနှင့်မ။ မနိုင်သောအထုပ်ကြီးတို့အား ကူညီပေးစိမ့် ငှာမော့ကြည့် လတ္တံ။ သင်သည်မျက်နှာမလွဲ ခဲပစ်ကိစ္စနှင့်သာ ကြုံနိုင်ပေသည်။ နိုင်နိုင် မနိုင်နိုင် ရှိသမျှအားနှင့် ဟာကြူလီအ ရှုံးရလောက်သော အားဖြင့်အားကုန်ပစ်တင်ရပေတော့မည်။ ဘယ်သူ့၊ ဘယ်သူကမှ အနှီချိန်တွင် ကူညီနိုင်မည်မဟုတ်ပေ။ ဝေါယာဉ်ပေါ်သို့ အောင်မြင်စွာရောက်ရှိသွားသော အထုပ်ကြီး ငယ်တို့ဖြင့် ဗရုတ်သုတ်ခ ပါသွားပြီးကာမှ သက်ပြင်းချနိုင်ပေ တော့မည်။ ဤနေရာတွင် ဇွဲသန်သူတို့က သူတို့၏ ဝီရိယအကြိုး ကို ခံစားရတော့၏။ သို့သော်လည်း လုံးလုံးလျားလျား အောင် မြင်ခြင်းတော့ မဟုတ်။ တစ်ဝက်တစ်ပျက် အောင်မြင်ခြင်းသာ ဖြစ်ပေမည်။ အဘယ်ကြောင့်နည်း ပေးသူကပေးနေသော်လည်း ယူသူကလက်မခံသောကြောင့် ဖြစ်ပေသည်။ သိမ်ငယ်စွာ ကျန် ရစ်ခဲ့ရှာသော အိတ်ထုပ်တို့မှာ မည်သည့်အိတ်ထုပ်များ ဖြစ်သ နည်း။ မီးဖိုချောင်ထွက် မဟုတ်သော သစ်ချောင်းခြောက်များ ခြံရှင်းမြက်ခြောက်ထုပ်များ၊ သစ်တိုသစ်ပိုင်းစများ သာတည်း။
.
ဤနေရာတွင် မိးဖိုချောင်သုံး ပစ္စည်းများအဖြစ် ကျကုန် သော ပုလင်းများ၊ ငါးသေတ္တာဘူးများ၊ နို့ဆီဘူးခွံများတို့ကတော့ ခပ်မိန့်မိန့်ကြီး ဝေါယာဉ်ပေါ်ထက်တွင် နေရာယူသွားပေပြီ။ (အ မှိုက်ထဲက ရွှေများ ပါသွားချေပြီ တမုံ့)။ ကျန်ရစ်ခဲ့ရှာသော မည် သို့မှ အသုံး မဝင်သော တကယ့်အမှိုက်စစ်စစ်တို့က အားငယ် ညိုးရှစွာ နေရစ်ခဲ့ပေတော့။ တာယာဟောင်းများနှင့် သစ်တို သစ်ပိုင်းစ အိတ်တို့က သူတို့အချင်းချင်း အားပေးနေရှာလိမ့် မည်။ အမှိုက်နှင့် အမှိုက်များအကြောင်းကို အမှိုက်တို့က ဒဿန စွဲနေလိမ့်မည်။
.
သို့သော် ကျွန်ုပ်တို့က လူများဖြစ်သောကြောင့် လူကြံလျှင် အဘယ်အရာမခံနိုင်ရိုး ရှိမည်နည်း။ ကြံရပေဦးမည်။ ဟိုးရှေးရှေး ကလို ခြံဝင်းအတွင်း အမှိုက် ကျင်းတူးခေတ် ကျန်ရစ်ခဲ့ပေပြီ။ မ ဖြစ်နိုင်တော့။ ညနေရီရီကို မမျှော်၊ ညမှောင်မှောင်ကိုသာ မျှော် ရတော့မည်။ မှောင်ပေပြီဆိုမှ ကျန်ရစ်နေခဲ့ရရှာသော အမှိုက် ထုပ်တို့အား ဟိုးဝေးဝေးတစ်ကွက်၊ ဟိုးတစ်မျှော်တစ်ခေါ် တစ် နေရာတို့တွင် ယခင်(ယခုမဟုတ်) ချထားလတ္တံသော အမှိုက် ပစ်နေရာများသို့ သွားပစ်ရပေလိမ့်မည်။ ဤသို့သွားပစ်ရန်အ တွက်လည်း အလွန်လျင်မြန်ဖျတ်လတ်နိုင်မှ တန်ကာကျမည်။ ထိုနေရာများတွင် တစ်ဝမ်းတစ်ခါး ဖြည့်တင်းနိုင်ရရှိရေးငှာ၊ သူတို့အတွက် အသုံးမဝင်သော၊ အသုံးမတည့်သော အမှိုက်စ များကို ပစ်သည့်အတွက် သင့်အား မိုက်ကြည့်၊ ဘုကြည့် ကြည့် ချင်သလို ကြည့် အကြည့်များဒဏ်ကို ခံရပေလိမ့်မည်။ ထိုသို့ မ ဟုတ်လည်း သမုဒ္ဒရာ ဝမ်းတစ်ထွာအတွက် အိမ်ရှိလူကုန် အ မှိုက်ထဲက ရွှေများမဖြစ်တောင် ထမင်းတစ်ဝိုင်းအတွက် ရှာဖွေ နေသော ပုံရိပ်များက ဝမ်းနည်းဖွယ်ဆီးကြိုနေလိမ့်မည်။
.


.
မည်သို့ပင် ဆိုစေကာမူ တစ်လတွင် ဘယ်နှခေါက် လာလာ၊ တစ်ပတ်တွင် ဘယ်နှကြိမ်လာလာ မလာလာ၊ အနှီဝေါယာဉ်ပဲ ပျက်၍လာသည်ဖြစ်စေ၊ မလာသည် ဖြစ်စေ အချိန်မှန်ရောက် လာမှာကတော့ ဖြတ်ပိုင်းတစ်စောင်သာတည်း။
.

တစ်ဖက်တည်းတော့လည်း ကြည့်မကောင်း သောကြောင့် အခြားတစ်ဖက်အကောင်း တစ်ဖက်ပြောင်းကြည့်လတ္တံသော ဤသို့မြင်တွေ့ရပေမည်။
.
မြို့သူ၊ မြို့သားတို့သည် စက္ကန့်မလပ် အချိန်မဆိုင်း နားတ စွင့်စွင့် နေရသောကြောင့် အစဉ်အမြဲ သတိကပ်လာရခြင်း။ ခပ်သစ်သစ်၊ ခပ်လတ်လတ် အိတ်သစ်များကို မည်သို့ပင် ပြန် တောင်းစေကာမူ မရခြင်းကြောင့် ဒေါသ ကင်းကင်းထား၍ မိမိ စိတ်ကို မိမိဖြေသိမ့်တတ်လာရခြင်း။ မနိုင်တနိုင် တရွတ်ဆွဲ၍ လာ သော်လည်း ကူညီသယ်ဆောင်ပေးမှု အလျင်းကင်းမဲ့သော ကြောင့် အဘိုးအို၊ အဘွားအိုတို့၏ ကျန်းမာရေးကောင်းမွန်လာ နိုင်ခြင်း။ ကျည်ဆန်ရထားနှင့် တစ်တန်းတည်းပြေးနိုင်သော ဝေါယာဉ်ကြောင့် မြို့သူမြို့သား သက်လုံကောင်းလာနိုင်ခြင်း၊  ပြင်သူကပြင်ပေး၍၊ လုပ်ပေးသူက လုပ်ပေးထားသော မြောင်း ကျယ်ကျယ်တို့တွင် ယခင်နှောင်းကာလများကဲ့သို့ ကြွပ်ကြွပ် ထုပ်များ လွတ်လွတ်လပ်လပ်မျောပါနိုင်ခွင့် ရရှိလာခြင်း။ ဟိုး တစ်ပုံး၊ ဒီတစ်နေရာ တစ်ကွက်ပုံးများ ပျောက်ကွယ်သွား၍ ဝမ်း မီးငြိမ်းစေနိုင်ခြင်း မရကျရှာတော့သော မိသားစုထမင်းဝိုင်းအ ပေါ် တရားရလာနိုင်ခြင်းတို့ ဖြစ်ပေသည်။
.
ထိုအခါ ကျွန်ုပ် စ၍ ဆိုခဲ့သည့်အတိုင်း အမှိုက်ကစ ပြဿဒ် မီးလောင်စကားပုံကား ပွေးက စ၍ ဝုန်းဒိုင်းကြဲဖြစ်၍သွားချေပြီ။

No comments:

Post a Comment

Journal Download

Photo of three cats

About