.
လင်းခေးခရိုင်၊ မိုးနဲမြို့၊ လွိုင်မြေရပ်ကွက်၊ အုပ်စု (၉) အုဋ်ဖိုဘုန်းတော်ကြီး ကျောင်းလမ်းအား ရပ်ကွက်နေပြည်သူများက စုပေါင်း၍ ကိုယ်အားကိုယ်ကိုး ကွန်ကရစ်လမ်း ခင်းနေလျက် ရှိကြောင်း သိရသည်။
.
"လမ်းကို ရပ်ကွက်နေပြည်သူတွေ ၊ အလှူရှင်တွေရဲ့ စုပေါင်း လှူဒါန်းမှုအားနဲ့ ကိုယ့်အားကိုယ်ကိုး ဆောင်ရွက်ခြင်းဖြစ်ပါတယ်။" ဟု လွိုင်မြေရပ်ကွက် အုပ်ချုပ်ရေးမှူး ဦးစိုင်းကျော်ကျော်နိုင်က ပြောသည်။
.
အဆိုပါ ကွန်ကရစ်လမ်းမှာ အလျား ပေ ၇၀၀ ၊အကျယ် ၁၂ ပေ နှင့် ထု ၆ လက်မ ရှိမည် ဖြစ်ပြီး လက်ရှိတွင် ပေ ၅၀၀ ခန့်ထိ ဆောင်ရွက်ပြီးစီးနေပြီ ဖြစ်ကြောင်း သိရသည်။
