စုလှိုင်
.
COVID-19
လူနာအမှတ်(၃၇၅)နှင့် ဆက်စပ်သော တောင်ကြီးမြို့မှ
၄ ဦး အပါအဝင်
စောင့်ကြည့် လူနာ ၉၈ ဦး၏ ဓာတ်ခွဲ နမူနာများတွင် ပိုး မတွေ့ကြောင်း သိရသည်။
.
“ သြဂုတ်လ ၂၃ ရက် က ပိုး မတွေ့ ထွက်တယ် ။ သူတို့ ၄ ယောက်ရယ် ၊ ကျန်တဲ့ ၉၄
ယောက်ရယ်၊ အားလုံးပေါင်း ၉၈ ယောက်လုံးမှာ ပိုးမတွေ့
အဖြေထွက်တယ် ။ အခုလောလောဆယ်တော့ ရှမ်းတောင်မှာ ပို့ထားတာ
မရှိသေးပါဘူး ” ဟု ရှမ်းပြည်နယ် ပြည်သူ့ကျန်းမာရေးဦးစီးဌာနမှ လက်ထောက်ညွန်ကြားရေးမှူး ဒေါက်တာ ဇဝနကိုက ကမ္ဘောဇတိုင်းသို့ ပြောသည်။
.
ရှမ်းပြည်နယ်
တောင်ပိုင်း ရှိ Quarantine
Center များတွင် အသွားအလာ ကန့်သတ် ထားရှိသော
တောင်ကြီးမြို့ မှ ၅၃ ဦးနှင့်
ပင်းတယမြို့နယ်မှ ၇၄ ဦးတို့၏
ဓာတ်ခွဲနမူနာများကို ရန်ကုန်မြို့သို့ သြဂုတ်လ ၂၇ ရက်၌
ပေးပို့ စစ်ဆေးသွားမည် ဖြစ်ကြောင်း သိရသည်။
.
မြန်မာနိုင်ငံတစ်ဝှမ်းတွင်
ယနေ့ ဩဂုတ်လ ၂၄ ရက်အထိ COVID-19 ပိုးတွေ့ တွေ့အတည်ပြု လူနာ ၄၆၃ ဦး ရှိလာပြီ ဖြစ်ကာ ရခိုင်ပြည်နယ်တွင်
ကူးစက် ဖြစ်ပွားမှု အထူး မြန်ဆန်လျက် ရှိသောကြောင့် ပြည်သူများ အနေဖြင့်
ထုတ်ပြန်ထားသော ညွှန်ကြားချက်နှင့် ပန်ကြားချက်များကို တိကျစွာ မပျက်မကွက်
လိုက်နာရန် ကျန်းမာရေးနှင့် အားကစား ဝန်ကြီးဌာနက တိုက်တွန်းထားသည်။
