စုလှိုင်
.
ကလောမြို့နယ် ၊ အောင်ပန်းမြို့ ၊ ညောင်ပင်ထောင်ရပ်ကွက်၊
နယ်မြေ(၄)ရှိ ဂေါ်ဖီထုပ် စိုက်ခင်း အနီး ရေကန်တွင် သြဂုတ်လ ၈ ရက်၊ နေ့လယ်ပိုင်းက ၆
နှစ်အရွယ် မိန်းကလေးငယ် တစ်ဦး ရေနစ် သေဆုံးခဲ့ကြောင်း သိရသည်။
.
ဂေါ်ဖီထုပ် စိုက်ခင်း အနီးရှိ ရေကန်ဘောင်တွင်
မိန်းကလေးငယ် ၃ ဦးအတူ ဆော့ကစားနေစဉ် သေဆုံးသူ ၆ နှစ်အရွယ်ရှိ အိလဲ့ဝေ (ခ)ပိုပိုသည်
တစ်ဦးတည်း ရေဆင်းကူးခဲ့ရာ ရေနစ်နေသဖြင့် ကျန် မိန်းကလေးများက ရေကန်အနီး၌ စိုက်ပျိုးရေး
လုပ်နေသည့် ကိုမျိုးကိုအောင်အား အော်ဟစ် အကူအညီ တောင်းခဲ့ခြင်းကြောင့် ရေကန်အတွင်း
ဆင်း၍ ရှာဖွေခဲ့သော်လည်း သေဆုံးလျက်သာ ပြန်လည် တွေ့ရှိခဲ့ခြင်း ဖြစ်ကြောင်း သိရသည်။
.
အဆိုပါ မအိလဲ့ဝေ (ခ) ပိုပို ၏ ရုပ်အလောင်းအား
အောင်ပန်းတိုက်နယ်ဆေးရုံသို့ ပို့ဆောင်ကာ အောင်ပန်းနယ်မြေ ရဲစခန်းတွင် သေမှုသေခင်း
အမှတ်စဉ် (၁၂/ ၂၀၂၀)ဖြင့် စစ်ဆေး ဆောင်ရွက်လျက် ရှိကြောင်း သိရသည်။
