တောင်ကြီး နာရီစင်ညဈေးတန်းအား လာမည့် ရက်ပိုင်းအတွင်း ပြန်လည်ဖွင့်လှစ်မည် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, July 10, 2020

တောင်ကြီး နာရီစင်ညဈေးတန်းအား လာမည့် ရက်ပိုင်းအတွင်း ပြန်လည်ဖွင့်လှစ်မည်

စုလှိုင်
.
ရှမ်းပြည်နယ်မြို့တော်၊ တောင်ကြီးမြို့မဈေးရှိ နာရီစင် ညဈေးတန်းအား COVID-19 ဆိုင်ရာ စည်းကမ်း သတ်မှတ်ချက် များနှင့်အညီ လာမည့် ရက်ပိုင်းအတွင်း ပြန်လည်ဖွင့်လှစ် ရောင်းချခွင့် ပြုသွားမည်ဖြ စ်ကြောင်း သိရသည်။
.
 
.
“နာရီစင် ညစျေးက ဖွင့်မယ်။ ဒီနေ့ (ဇူလိုင် ၁၀) မနက်မှ ညစျေး ကော်မတီ နဲ့အစည်းအဝေး လုပ်ထားပြီးပြီ။ စျေးကော်မတီ နဲ့ စျေးသူစျေးသားတွေ မနက်ဖြန် တွေ့ကြလိမ့်မယ်။ တွေ့ပြီး ကျန်းမာရေးအရ စားသောက် ဆိုင်တွေများတဲ့အတွက် ကြောင့် ပြင်ဆင်တာတွေ လုပ်လိမ့်မယ်။ တနင်္ဂနွေ နေ့လောက် ဖွင့်နိုင်အောင် ကြိုးစားနေတယ်။ စည်းကမ်း ကတော့ COVID -19 စည်းကမ်းအတိုင်း တစ်ဆိုင်ခြားပါပဲ” ဟု တောင်ကြီး မြို့နယ် စည်ပင်သာယာရေးဌာနမှ အမှုဆောင် အရာရှိ ဦးနေလင်းက ကမ္ဘောဇတိုင်းသို့ ပြောသည်။
.
ယင်းကဲ့သို့ နာရီစင် ညဈေးတန်း ပြန်လည်ဖွင့်လှစ်ခွင့် ပြုရာတွင် ညဈေးအတွင်းရှိ ဈေးဆိုင်ခန်း ၆၈ ခန်း အနက် တစ်ညလျှင် ၃၄ ခန်းစီ အလှည့်ကျ ဖွင့်လှစ်ခွင့် ပြုသွားမည်ဖြစ်ကြောင်း သိရသည်။
.
တောင်ကြီးမြို့ပေါ်ရှိ အဓိက ဈေးများဖြစ်သော မြို့မဈေး၊ စဝ်စံထွန်းဈေး၊ အမှတ် (၅) ဈေး၊ ရဲဘော် ဈေးတို့ကို ပြီးခဲ့သည့် ဇွန်လ ၁ ရက်မှ စတင်၍ သတ်မှတ်စည်းကမ်းချက်များဖြင့် ဖွင့်လှစ်ခွင့်ပြုခဲ့ပြီးဖြစ်ကာ ပျံကျဈေးသည်များကို လက်ရှိအချိန်ထိ ယာယီသတ်မှတ်ထားသော နေရာများတွင်သာ ရောင်းချခွင့် ပြုထား ခြင်းဖြစ်ကြောင်း သိရသည်။
.

No comments:

Post a Comment

Journal Download

Photo of three cats

About