ရှမ်းပြည်နယ်အစိုးရအဖွဲ့၏ စတုတ္ထ တစ်နှစ်တာ သတင်းစာရှင်းလင်းပွဲ ပြုလုပ်သွားရန်ရှိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, July 22, 2020

ရှမ်းပြည်နယ်အစိုးရအဖွဲ့၏ စတုတ္ထ တစ်နှစ်တာ သတင်းစာရှင်းလင်းပွဲ ပြုလုပ်သွားရန်ရှိ

ကမ္ဘောဇတိုင်း
.
ရှမ်းပြည်နယ် အစိုးရအဖွဲ့၏ စတုတ္ထတစ်နှစ်တာ လုပ်ငန်းဆောင်ရွက်ချက်များ သတင်းစာရှင်းလင်းပွဲ ပြုလုပ် ရန်အတွက် စီစဉ်ဆောင်ရွက်လျက်ရှိကြောင်း ရှမ်းပြည်နယ် အစိုးရအဖွဲ့ အတွင်းရေးမှူး ဦးနေလင်းထံ က သိရသည်။
.

.
သတင်းစာ ရှင်းလင်းပွဲက လုပ်ဖို့ရှိပါတယ်။ စီစဉ်နေပါပြီ။ လုပ်ရင် အချိန်မီ အကြောင်းကြားပေးမှာပါ” ဟု ရှမ်းပြည်နယ်အစိုးရ အဖွဲ့အတွင်းရေးမှူး ဦးနေလင်းက ကမ္ဘောဇတိုင်း သို့ ပြောသည်။
.
ပြီးခဲ့သည့် ၂၀၁၉ ခုနှစ်၊ ဇွန်လ ၁၄ ရက်ကလည်း ရှမ်းပြည်နယ်အစိုး ရအဖွဲ့၏ တတိယ တစ်နှစ်တာ လုပ်ငန်း ဆောင်ရွက်ချက်များ ရှင်းလင်းပွဲ အား တောင်ကြီးမြို့ မြို့တော်ခန်းမ၌ ကျင်းပပြုလုပ်ခဲ့ပြီး တက်ရောက်လာ သည့် သတင်း မီဒီယာဌာန တစ်ခု လျှင် မေးခွန်း ၃ ခုစီ မေးမြန်းခွင့် ပြုခဲ့ သည်။
.
၂ဝ၁၅ ခုနှစ်၊ နိုဝင်ဘာလ ၈ ရက် တွင် ကျင်းပပြုလုပ်ခဲ့သော ပြည်လုံး ကျွတ် အထွေထွေရွေးကောက်ပွဲတွင် အမျိုးသား ဒီမိုကရေစီအဖွဲ့ချုပ်မှ လွှတ်တော် ကိုယ်စားလှယ်နေရာ အ များစု အနိုင်ရရှိခဲ့ပြီးနောက် ၂ဝ၁၆ ခုနှစ်၊ ဖေဖော်ဝါရီလတွင် ဒုတိယအ ကြိမ် လွှတ်တော်အသီးသီးကို စတင် ခေါ်ယူကျင်းပခဲ့ပြီး ယင်းနှစ် ဧပြီလ ၁ ရက်တွင် ပြည်ထောင်စုအစိုးရနှင့် တိုင်းဒေသကြီးနှင့် ပြည်နယ် အစိုးရ အဖွဲ့ အာဏာလွှဲပြောင်း ရယူမှုများ ဆောင်ရွက်ခဲ့ရာ ယနေ့အချိန်တွင် ပြည်ထောင်စု အစိုးရနှင့် တိုင်းဒေသ ကြီး/ပြည်နယ် အစိုးရအဖွဲ့များ၏ သက်တမ်းမှာ ၄ နှစ် ပြည့်မြောက် ကျော်လွန်ခဲ့ပြီး ဖြစ်သည်။
.
လက်ရှိ ဒုတိယအကြိမ် ရှမ်းပြည် နယ်အစိုးရအဖွဲ့တွင် ပြည်နယ်ဝန် ကြီးချုပ် အပါအဝင် ဝန်ကြီးဌာနအ လိုက်ဝန်ကြီး ၈ ဦး၊ တိုင်းရင်းသား လူမျိုးရေးရာဝန်ကြီး ၇ ဦး၊ ပြည်နယ် အစိုးရအဖွဲ့အတွင်းရေးမှူး၊ ပြည်နယ် ဥပဒေချုပ်၊ ပြည်နယ် စာရင်းစစ်ချုပ် တို့မှ ပါဝင် ထမ်းဆောင်နေလျက် ရှိ သည်။
.

No comments:

Post a Comment

Journal Download

Photo of three cats

About