ရှမ်းပြည်နယ်အတွင်းရှိ အခြေခံပညာအထက်တန်းကျောင်းများ စတင်ဖွင့်လှစ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရှမ်းပြည်နယ်အတွင်းရှိ အခြေခံပညာအထက်တန်းကျောင်းများ စတင်ဖွင့်လှစ်

စုလှိုင်
.
ရှမ်းပြည်နယ်အတွင်းရှိ အခြေခံပညာအထက်တန်းအဆင့် ကျောင်းများအား ယနေ့ ဇူလိုင်လ ၂၁ ရက်မှ စတင်၍ အသုတ်အလိုက် စတင်ဖွင့်လှစ်သင်ကြားပေးလျက်ရှိကြောင်း သိရသည်။
.

.
ထိုသို့ဖွင့်လှစ်သင်ကြားရာတွင် ကျောင်းအလိုက် ကျောင်းသား/သူ ဦးရေအပေါ် မူတည်၍ တစ်ပတ်ခြား တစ်သုတ် တက်ကျောင်း၊ တစ်ပတ်ခြား ၂ သုတ်တက်ကျောင်း စသည်ဖြင့် ဖွင့်လှစ်သင်ကြားပေးနေခြင်း ဖြစ် ကြောင်း သိရသည်။
.
“ကျောင်းသား/ကျောင်းသူတွေကို ၂ သုတ်ခွဲလိုက်တော့ လူစုလူဝေးလည်း မဖြစ်ဘူး။ စာသင်ကြားရတာ အ ဆင်ပြေပါတယ်။ ကျန်းမာရေးဌာနရဲ့ လမ်းညွှန်ချက်တွေအတိုင်း အားလုံးပြင်ဆင်ထားတယ်။ အတန်းတွေ ကိုလည်း မိနစ်ခြားပြီးမှ ကျောင်းထဲဝင်/ထွက်ဖို့ ကြေညာထားတယ်။ ကလေးတွေ နေမကောင်းဖြစ်ခဲ့ မယ်ဆိုရင် မိဘတွေကို အကြောင်းကြားပြီး ခွင့်ယူခိုင်းမယ်။ ကျောင်းမှာ နေမကောင်းဖြစ်ရင်လည်း ဆေးခန်း ဆောင်ရွက် ပေးထားတယ်။ ဆေးတွေ၊ COVID-19 နဲ့ ပတ်သက်တာတွေ အကုန်လုံး ပြင်ဆင်ဆောင်ရွက်ပေး ထားပါတယ်။ စာသင်ချိန်ပြီးသွားရင် လည်း စာသင်ခန်းတွေကို ဆေးဖျန်းပါတယ်။ ကျောင်းတက်တာ တစ်လ နောက်ကျနေပြီဆိုပေမဲ့ ဌာနရဲ့ ညွှန်ကြားချက်အတိုင်းပဲ သင်သွားမှာပါ။ မိဘတွေအနေနဲ့လည်း ပူးပေါင်း ပါဝင်ပေးစေလိုပါတယ်” ဟု တောင်ကြီးမြို့၊ အမှတ် (၄) အခြေခံပညာအထက်တန်းကျောင်းမှ ကျောင်းအုပ် ဆရာမကြီး ဒေါ်နန်းမြင့်မြင့်အေး ပြောသည်။
.
ကျောင်းသူ/သားများ ကျောင်းတက်ရောက်မှု အခြေအနေနှင့် ပတ်သက်၍ ရှမ်းပြည်နယ်ပညာရေးမှူး ဦးဝင်းမောင်က “ကျောင်းတက်တဲ့ဦးရေ စာရင်းပြုစုနေတုန်း ရှိသေးတယ်။ ပုံမှန်တက်ကျောင်း၊ တစ်ပတ်ခြား တစ်သုတ်တက် ကျောင်း၊ တစ်ပတ်ခြား ၂ သုတ်တက်ကျောင်း ပုံစံ ၃ မျိုးဆိုတော့ ရာနှုန်းပြည့်လို့ သတ်မှတ် လို့ မရနိုင်သေးဘူး။ တစ်ပြည်နယ်လုံး စာရင်းချုပ်နေပါသေးတယ်။ ကျောင်းသူ/သားတွေ တော်တော်များ များ တက်ကြပါတယ်” ဟု ပြောဆိုခဲ့သည်။
.
တစ်နိုင်ငံလုံးအတိုင်းအတာဖြင့် အခြေခံပညာအထက်တန်းအဆင့်များကို ဇူလိုင် ၂၁ ရက်တွင် စတင်ဖွင့်လှစ် သင်ကြားပေးနေခြင်းဖြစ်ပြီး အလယ်တန်းအဆင့်ကို သြဂုတ်လ တွင် လည်းကောင်း၊ မူလတန်းကို နောက်ဆုံးအသုတ် တွင်လည်းကောင်း ဖွင့်လှစ်မည်ဖြစ်ပြီး ကိုယ်ပိုင်ကျောင်းများ သည်လည်း အလားတူ ဖွင့်လှစ်ရမည် ဖြစ်ကြောင်း သိရသည်။
.

Journal Download

Photo of three cats