တောင်ကြီးတွင် ညမထွက်ရအမိန့် ၂ လ ထပ်တိုး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, July 15, 2020

တောင်ကြီးတွင် ညမထွက်ရအမိန့် ၂ လ ထပ်တိုး

ကမ္ဘောဇတိုင်း
.
ရှမ်းပြည်နယ်မြို့တော် တောင်ကြီးမြို့နယ်အတွင်း ထုတ်ပြန်ထားသည့် ညမထွက်ရအမိန့်အား ယနေ့ ဇူလိုင် လ ၁၅ ရက်မှ စတင်၍ ၂ လ ထပ်မံ သက်တမ်းတိုးမြှင့်ထားသည်ဟု သိရသည်။
.

.
အသက်ရှူလမ်းကြောင်းဆိုင်ရာရောဂါ COVID-19 ကူးစက်ခံရမှု မရှိစေရေးနှင့် အချိန်မီထိန်းသိမ်းနိုင်ရေး အတွက် အရေးပေါ်ကိစ္စ ပေါ်ပေါက်ပါက သက်ဆိုင်ရာ၏ ခွင့်ပြုချက်မှအပ နေ့စဉ် ည ၁၂ နာရီမှ နောက် တစ်နေ့ နံနက် ၄ နာရီ အထိ ညမထွက်ရန် တောင်ကြီးမြို့နယ်အထွေထွေအုပ်ချုပ်‌ရေးဦးစီးဌာနက အမိန့် အမှတ် (၃/၂၀၂၀) ဖြင့် ၂၀၂၀ ပြည့်နှစ်၊ မေလ ၁၅ ရက်က ထုတ်ပြန်ကြေညာခဲ့ပြီးဖြစ်ရာ ယင်းအမိန့်မှာ ဇူလိုင် လ ၁၄ ရက်တွင် သတ်မှတ်ကာလ ပြည့်မြောက်ပြီးဖြစ်၍ ဇူလိုင်လ ၁၅ ရက်တွင် သက်တမ်း ၂ လ တိုးမြှင့် ခြင်း ဖြစ်ကြောင်း သိရသည်။
.
တကယ် လိုအပ်လို့ ထုတ်တယ်ဆိုရင်တော့ ထုတ်လို့ရတာပေါ့။ ည ၁၂ နာရီကျော်မှာလည်း သွားလာနေတဲ့ သူတွေ ရှိနေတာပဲ။ ရောဂါရဲ့ အနေအထားအရ ၁၂ နာရီနောက်ပိုင်း သွားလာတဲ့သူတွေနဲ့ ဘာဆိုင်သလဲ ဆိုတာကတော့ ပြန် စဉ်းစားရမှာပေါ့။ ဘာမှတော့ မဆိုင်ဘူးလို့ ထင်တာပဲ” ဟု တောင်ကြီးဒေသခံတစ်ဦးက ၎င်း၏အမြင်ကို ပြောဆိုခဲ့သည်။
.
ထို့အပြင် ယင်းအမိန့်သည် အများပြည်သူ အကျိုးစီးပွား အလို့ငှာ ထုတ်ပြန်ခြင်းဖြစ်သဖြင့် လိုက်နာရန် ပျက်ကွက်ပါက အရေးယူခြင်း ခံရမည်ဖြစ်ကြောင်း တောင်ကြီးမြို့နယ်အထွေထွေအုပ်ချုပ်ရေးဦးစီးဌာနက ထုတ်ပြန်ကြေညာ ထားသည်။
.

No comments:

Post a Comment

Journal Download

Photo of three cats