တာချီလိတ်တွင် ကျပ်သိန်း ၃၄၀၀ ကျော် တန်ဖိုးရှိ စိတ်ကြွရူးသွပ်ဆေးပြားများ ပိုင်ရှင်မဲ့ သိမ်းဆည်းရမိ

ကမ္ဘောဇတိုင်း

.

ရှမ်းပြည်နယ်အရှေ့ပိုင်း၊ တာချီလိတ်မြို့နယ်၊ ရေပူစမ်းကျေးရွာအနီးတွင် ဇူလိုင်လ ၃ ရက်၊ ညနေပိုင်းက ငွေကျပ် သိန်းပေါင်း ၃၄၀၀ ကျော် တန်ဖိုးရှိ စိတ်ကြွရူးသွပ်ဆေးပြားများအား ပိုင်ရှင်မဲ့ သိမ်းဆည်းရမိ ခဲ့ကြောင်း သိရသည်။

.

.

လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် ဇူလိုင်လ ၃ ရက်၊ ညနေ ၅ နာရီအချိန်ခန့်က တာ ချီလိတ်မြို့နယ်၊ ရေပူစမ်းကျေးရွာအနောက်ဘက်တွင် နယ်မြေလုံခြုံရေးဆောင်ရွက်နေစဉ် တောင်စောင်းတွင် မြေကျင်းတူးမြှုပ်နှံထား သော ဆာလာအိတ်များအတွင်းမှ ပလတ်စတစ်ကပ်ခွာအိတ်များဖြင့်ထည့်ထားသည့် စိတ်ကြွရူးသွပ်ဆေးပြား ၂၃၀၀၀၀ ပြား၊ ဒေသကာလပေါက်စျေးတန်ဖိုးငွေကျပ် ၃၄၅၀ သိန်းအား တွေ့ရှိ သိမ်းဆည်းရမိခဲ့ခြင်းဖြစ်ကြောင်း သိရသည်။

.

အဆိုပါ တွေ့ရှိသိမ်းဆည်းရမိ မူးယစ်ဆေးဝါးများအား မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့သို့ လွှဲ ပြောင်းပေး ပေးအပ်ခဲ့ပြီး တာချီလိတ်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါး များဆိုင်ရာဥပဒေဖြင့် အမှုဖွင့်အရေးယူကာ တရားခံ ဖမ်းဆီးရမိရေးအတွက် ဆောင်ရွက်လျက်ရှိကြောင်း သိရသည်။

.

အလားတူ အဆိုပါ တာချီလိတ်မြို့နယ်၊ ရေပူစမ်းကျေးရွာအနီးတွင် ဇွန်လ ၂၉ ရက်က ၂၆ ဘီလီယံကျော် တန်ဖိုးရှိ မူးယစ်ဆေးဝါးနှင့် လက်နက်ခဲယမ်းများကိုလည်းကောင်း၊ ဇွန်လ ၃၀ ရက်က ငွေကျပ် ၃ ဘီလီယံကျော် တန်ဖိုးရှိ မူးယစ်ဆေးဝါးများနှင့် လက်နက်ခဲယမ်းများကိုလည်းကောင်း ပိုင်ရှင်မဲ့ သိမ်းဆည်း ရမိခဲ့ပြီးဖြစ်ကြောင်း သိရသည်။

.