RCSS/ SSA အဖွဲ့မှ ထွက်ပြေးလာသည့် သင်တန်းသား ၂၀ ဦးကို UWSA အဖွဲ့က လာရောက် အပ်နှံကြောင်း တပ်မတော်က ထုတ်ပြန် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

RCSS/ SSA အဖွဲ့မှ ထွက်ပြေးလာသည့် သင်တန်းသား ၂၀ ဦးကို UWSA အဖွဲ့က လာရောက် အပ်နှံကြောင်း တပ်မတော်က ထုတ်ပြန်


မင်းဇော်မင်း
.
RCSS/ SSA အဖွဲ့လူသစ် စုဆောင်းခံရပြီး လွယ်တိုင်းလျှံတွင် တပ်သားသစ် သင်တန်း တက်ရောက်နေရသူများ အနက်မှ သင်တန်းသား ၂၀ ဦးခန့်သည် အဖွဲ့လိုက် ခွဲ၍ ထွက်ပြေးလာခဲ့စဉ် ရှမ်းပြည်နယ် အရှေ့ပိုင်း ၊  တပ်ဖာလိုင်ဒေသတွင် UWSA အဖွဲ့က ယာယီ ထိန်းသိမ်းထားရှိပြီးနောက် ဇူလိုင် ၂၃ ရက် ညပိုင်းတွင် တာချီလိတ်မြို့ရှိ နယ်မြေခံတပ်သို့ လာရောက် အပ်နှံခဲ့ကြောင်း တပ်မတော်က သတင်း ထုတ်ပြန်ခဲ့သည်။
.

ယင်း ထွက်ပြေးလာသူများအား စိစစ်မေးမြန်းချက်များအရ ၎င်းတို့သည် မိုင်းကိုင်၊ လားရှိုး၊ ကျောက်မဲ၊ ခိုလမ်၊ လဲချား၊ တောင်ကြီး၊ မိုင်းပွန်၊ ပင်လုံနှင့်ကျိုင်းတုံ စသည့် မြို့နယ်များမှ ဖြစ်ပြီး ၂၀၁၉ ခုနှစ်၊ နှစ်ဆန်းပိုင်းတွင် မူးယစ်ဆေးဝါးအား အကြောင်းပြ၍ အတင်းအဓမ္မ ဖမ်းဆီးခေါ်ဆောင်ကာ လူသစ် သင်တန်းများ တက်ရောက်စေခဲ့ကြောင်း၊ သင်တန်း တက်ရောက်ချိန်အတွင်း နေထိုင်စားသောက်မှု ဆင်းရဲခြင်း၊ လက်နက် ကိုင်ဆောင်၍ တိုက်လိုခိုက်လိုစိတ် မရှိခြင်းတို့ကြောင့် ထွက်ပြေးလာခဲ့စဉ် တပ်ဖာလိုင်ဒေသရှိ UWSA အဖွဲ့ထံသို့ ရောက်ရှိထိန်းသိမ်းခံခဲ့ရခြင်း ဖြစ်ကြောင်း ထုတ်ပြန်ချက်တွင် ဖော်ပြထားသည်။
.
အဆိုပါ တပ်မတော်၏ ထုတ်ပြန်ချက်နှင့် ပတ်သက်၍ RCSS/ SSA အဖွဲ့မှ တာဝန်ရှိသူများထံသို့ မေးမြန်းရန် ဆက်သွယ်ခဲ့သော်လည်း ဖုန်းကိုင်ဖြေဆိုခြင်း မရှိခဲ့ချေ။

Journal Download

Photo of three cats