ပင်လုံနည်းပညာတက္ကသိုလ်တွင် Quarantine ဝင်နေသူတစ်ဦး ထွက်ပြေးမှုဖြစ်ပွား

ကမ္ဘောဇတိုင်း

.

ရှမ်းပြည်နယ်တောင်ပိုင်း၊ လွိုင်လင်မြို့နယ်၊ ပင်လုံနည်းပညာတက္ကသိုလ်ရှိ ဘော်ဒါဆောင်တွင် Quarantine ဝင်ရောက် နေသူ ထိုင်းနိုင်ငံမှ ပြန်လာသူတစ်ဦး ထွက်ပြေးမှု ဖြစ်ပွားခဲ့ပြီး လက်ရှိတွင် ၎င်းအား ပြန်လည် ခေါ်ဆောင်လာနေပြီ ဖြစ်ကြောင်း သိရသည်။

.

 

.

ပင်လုံနည်းပညာတက္ကသိုလ် Quarantine စင်တာတွင် Quaratnine ဝင်ရောက်နေသူ ၁၁၆ ဦး ရှိသည့်အနက် ဇူလိုင်လ ၁၆ ရက်၊ ညပိုင်းက တန်းစီစစ်ဆေးရာ တစ်ဦး ပျောက်ဆုံးနေသဖြင့် စုံစမ်းရာ လွိုင်လင်မြို့နယ်၊ ပင်လုံမြို့၊ ဆနင်း ကျေးရွာအုပ်စု၊ နင်းမွန်ကျေးရွာနေ ထိုင်းနိုင်ငံမှ ပြန်လည်ဝင်ရောက်လာသူ စိုင်းစန္ဒာညို သည် ပျောက်ဆုံးခဲ့ခြင်း ဖြစ်ကြောင်း သိရသည်။

.

“မနေ့ညက သွားတာပါ။ အခု ပြန်လိုက်ရှာတော့ တွေ့ပါပြီ။ သူ့ကိုအခု Quarantine စင်တာဆီ ပြန်ခေါ် လာနေပါပြီ” ဟု လွိုင်လင်မြို့နယ်အုပ်ချုပ်ရေးမှူး ဦးသန်းလွင်က ကမ္ဘောဇတိုင်းသို့ ပြောသည်။

.

အဆိုပါ Quarantine စင်တာမှ ထွက်ပြေးခဲ့သူ စိုင်းစန္ဒာညိုကို လက်ရှိတွင် Quarantine ရက်ပြည့်သည်အထိ စင်တာ၌ ဆက်လက်ထားရှိမည်ဖြစ်ပြီး ရက်ပြည့်ပါက ကူးစက်ရောဂါ ကာကွယ်တိုက်ဖျက်ရေးဥပဒေဖြင့် အရေးယူဆောင်ရွက် သွားရန် ရှိနေကြောင်း သိရသည်။

.