မိုးနဲမြို့နယ် မိုးကုတ်ဝိပဿနာကျောင်းတွင် Quarantine ဝင်ရောက်နေသူ အမျိုးသမီးတစ်ဦး နှလုံးရောဂါဖြင့်သေဆုံး

မျိုးညွန့်ရွှေ

.

ရှမ်းပြည်နယ်တောင်ပိုင်း၊ လင်းခေးခရိုင်၊ မိုးနဲမြို့နယ်၊ နာဟောင်ရပ်ကွက်ရှိ မိုးကုတ်ဝိပဿနာ ကျောင်းတွင် Community Based Facility Quarantine ဝင်ရောက်နေသူ အသက် ၆၀ နှစ်အရွယ် အမျိုးသမီးတစ်ဦး ဇူလိုင်လ ၁၄ ရက်၊ နံနက်ပိုင်းက နှလုံးရောဂါဖြင့် သေဆုံးမှု ဖြစ်ပွားခဲ့ကြောင်း သိရသည်။

.

.

အဆိုပါအမျိုးသမီးသည်  ကွန်နားကျေးရွာအုပ်စု ၊ဆွမ်မရမ်းကျေးရွာတွင်နေထိုင်သူဖြစ်ပြီး မိုးနဲမြို့သို့ ဇူလိုင် ၃ ရက်နေ့ ည ၁၀ နာရီအချိန်ခန့်က  ထိုင်းနိုင်ငံမှပြန်လည်ဝင်ရောက်လာပြီး Quarantine ဝင်ရောက်နေသည် မှာ ၁၁ ရက်ခန့်ရှိပြီ ဖြစ်ကြောင်း သိရသည်။

.

ယင်းအမျိုးသမီးသည် မိုးနဲမြို့သို့ ပြန်မရောက်မီက ထိုင်းနိုင်ငံတွင် နှလုံးရောဂါဖြင့် ဆေးကုသမှု ခံယူခဲ့သူ ဖြစ်ပြီး ဇူလိုင်လ ၁၄ ရက်၊ နံနက်တွင် အိပ်ရာမှ မထလာသဖြင့် ကျန်းမာရေးဝန်ထမ်းများက စမ်းသပ် စစ်ဆေးရာ နံနက် ၁  နာရီအချိန်ခန့်က သေဆုံးသွားခဲ့ပြီးဖြစ်ကြောင်းနှင့် သေဆုံးသူ၏ နှာခေါင်းနှင့် အာခေါင် တို့ပတ်နမူနားများကို ဓာတ်ခွဲစစ်ဆေးရန်‌ပို့ဆောင်ထားခဲ့ရာတွင် ဇူလိုင် ၁၂ ရက် ဓာတ်ခွဲစမ်းသပ်ချက် အဖြေအရ COVID-19 ရောဂါ (Negative) ဖြစ်ကြောင်းသိရသည်။

.

မိုးနဲမြို့နယ်နှင့် ကျိုင်းတောင်းမြို့တို့တွင် Quarantine ထားရှိသူ ကျား ၂၁ ဦး နှင့် မ ၁၆ ဦး စုစုပေါင်း ၃၇ ဦး ရှိကြောင်း မိုးနဲမြို့နယ် COVID-19 ရောဂါကာကွယ်ထိန်းချုပ် ၊ကုသရေးလုပ်ငန်းကော်မတီ၏ ထုတ်ပြန်ချက် အရသိရသည်။

.