ရှမ်းပြည်နယ်၀န်ကြီးချုပ် အိမ်တော်အတွင်းရှိ ကျောက်ပန်းပြားပင်အား အကြီးဆုံးအဖြစ် မှတ်တမ်းတင် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, July 26, 2020

ရှမ်းပြည်နယ်၀န်ကြီးချုပ် အိမ်တော်အတွင်းရှိ ကျောက်ပန်းပြားပင်အား အကြီးဆုံးအဖြစ် မှတ်တမ်းတင်

စုလှိုင်
.
ရှမ်းပြည်နယ်မြို့တော် တောင်ကြီးမြို့၊ သစ်တောရပ်ကွက်၊ ရှမ်းပြည်နယ် ဝန်ကြီးချုပ်၏ အိမ်တော်အတွင်းရှိ ရင်စို့လုံးပတ် ၁၉ ပေ ၁၀ လက် မအရွယ်ရှိ ကျောက်ပန်းပြားပင်အား မြန်မာနိုင်ငံတွင် အကြီးဆုံး ကျောက် ပန်းပြားပင်အဖြစ် ဇူလိုင်လ ၂၁ ရက် က မှတ်တမ်း တင်ထားကြောင်း ရှမ်း ပြည်နယ် သစ်တောဦးစီးဌာနမှ သိရ သည်။
.
 .
တွေ့သလောက်ဆိုရင် မြန်မာနိုင်ငံမှာ အကြီးဆုံးလို့ယူဆတယ်။ မတွေ့တာလည်း ဖြစ်ရင်ဖြစ်မှာပေါ့။ အိမ် တော်ဝင်းထဲဆိုတော့ အစဉ်အဆက် ထိန်းသိမ်းလာတာကြောင့် ဒီ လောက်ကြီးခွင့်ရတယ်လို့ ထင်တယ်” ဟု ရှမ်းပြည်နယ်သစ်တောဦးစီးဌာန မှ ညွှန်ကြားရေးမှူးဦးခင်မောင်ဝင်း က ကမ္ဘောဇတိုင်းသို့ ပြောသည်။
.
ကျောက်ပန်းပြားပင်သည် သိပ္ပံ အမည် - Calocedrus decurrens (torr.) florin အင်္ဂလိပ်အမည် California incense ceder မျိုးရင်း Cupressa ceae ဖြစ်ပြီး အမြဲစိမ်း အပင် အမျိုးအစားဖြစ်ကာ ပင်လယ် ရေ မျက်နှာ ပြင်အထက် ၁၆၀ ပေမှ ၉၅၁၀ ပေ အထိ ပေါက်ရောက်နိုင် ကြောင်း သိရသည်။
.
အဆိုပါ ကျောက်ပန်းပြားပင်သည် အမြင့်ပေ ၁၉၀ အထိ ကြီးထွား နိုင်ပြီး အစေးထွက်၍ ရနံ့ရှိသော သစ်မျိုး ဖြစ်ကာ အလှပင်အဖြစ် အများ ဆုံး စိုက်ပျိုးကြကြောင်း သိရသည်။
.
ကျောက်ပန်းပြားပင် မျိုးသည် သစ်မာ အမျိုးအစား မဟုတ်သော် လည်း စီးပွားရေးအရ အရေးပါသည့် သစ်ပျော့ အမျိုးအစားဖြစ်ကာ အ ဆောက်အဦနှင့် ပရိဘောဂများတွင် သုံးစွဲနိုင်ပြီး ခဲတံ ပြုလုပ်ရာတွင် အသုံး ပြုသည့် အကောင်းဆုံးသစ်မျိုးဖြစ် ကြောင်း သိရသည်။
.
ရှမ်းပြည်နယ်သစ်တောဦးစီးဌာနအနေဖြင့် အကြီးဆုံးဟု ယူဆရသော တောင်ဇလပ်ပင်၊ ချယ်ရီပင်၊ သရက္ခန် ပင်၊ သနပ်ခါးပင်နှင့် ကျောက် ပန်းပြားပင် များကို မှတ် တမ်းတင်နိုင် ခဲ့ပြီး ၎င်းအပင်များထက် အရွယ်အ စား ကြီးမားသည့် အပင်ကြီးများတွေ့ ရှိပါက လက်ရှိ အကြီးဆုံးဖြစ်မှု အ ဆင့်ကို လိုအပ်သလို ပြင်ဆင်သွား မည်ဖြစ်ကာ သတင်းပေးမှုများ၊ အချက်အလက်ဖြင့် ထောက်ပြမှုများကို ကြိုဆို လက်ခံလျက်ရှိကြောင်း ဦး ခင်မောင်ဝင်းက ဆက်လက် ပြောဆိုခဲ့သည်။
.

No comments:

Post a Comment

Journal Download

Photo of three cats

About