မိုင်းတုံတွင် အမျိုးသမီးတစ်ဦးကို နေအိမ်အတွင်း မူးယစ်ဆေးဝါးများနှင့်အတူ ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, July 15, 2020

မိုင်းတုံတွင် အမျိုးသမီးတစ်ဦးကို နေအိမ်အတွင်း မူးယစ်ဆေးဝါးများနှင့်အတူ ဖမ်းမိ

မင်းဇော်မင်း
.
ရှမ်းပြည်နယ်အရှေ့ပိုင်း၊ မိုင်းတုံမြို့နယ်၊ လွယ်ခမ်းကျေးရွာအုပ်စု၊ ၆ မိုင်ကျေးရွာတွင် ဇူလိုင်လ ၁၃ ရက်က အမျိုးသမီးတစ်ဦးအား နေအိမ်အတွင်း မူးယစ်ဆေးဝါးများနှင့်အတူ ဖမ်းဆီးရမိခဲ့ကြောင်း သိရသည်။
.

.
မူးယစ်တပ်ဖွဲ့စု(၂၉)မိုင်းဆတ်မှ တာဝန် ရှိသူများပါဝင်သော ပူးပေါင်းအဖွဲ့သည် ဇူလိုင် ၁၃ ရက်နေ ၅ နာရီ အချိန်က သက်သေများနှင့်အတူ မိုင်းတုံမြို့နယ်၊ လွယ်ခမ်းလုံကျေးရွာအုပ်စု၊ ၆ မိုင် ကျေးရွာနေ မနာဘိုခါး၏ နေအိမ်အား မူးယစ်ဆေးဝါးသတင်းအရ ဝင်ရောက်ရှာဖွေရာ ၎င်းအားနေအိမ်တွင် တွေ့ရှိရပြီး ဆက်လက် ရှာဖွေရာ WY စာတမ်းပါ လိမ္မောင်ရောင် စိတ်ကြွဆေးပြား ၂၁၉ ပြား၊ အလေးချိန် ၂၁ ဒသမ ၉ ဂရမ်ခန့်၊ ဒေသတန်ဖိုးငွေကျပ် ၃၂၈၅၀၀ ခန့် အား ရှာဖွေတွေ့ရှိ သိမ်းဆည်းရမိခဲ့ခြင်းဖြစ်ကြောင်း သိရသည်။
.
“မူးယစ်ဆေးရောင်းတဲ့သူတွေအပြင် ဘိန်းစားတွေက ခိုးပြီးရောင်းတာတွေမှာ ပစ္စည်းလက်ခံဝယ်တဲ့သူတွေ ပါ အမှုတွဲ အရေးယူသွားမယ်” ဟု မိုင်းတုံမြို့မရဲစခန်းမှူး ဒုရဲမှူး ကိုကိုဇော်က ပြောသည်။
.
အဆိုပါ မူးယစ်ဆေးဝါးများနှင့်အတူ လက်ဝယ်တွေ့ရှိသူ မနာဘိုခါးအား မိုင်းတုံ မြို့မရဲစခန်းမှ မယ(ပ) ၁၂/၂၀၂၀၊ မူး/စိတ်ပုဒ်မ ၁၉(က)ဖြင့် အမှုဖွင့်အရေးယူ ဆောင်ရွက်လျက်ရှိကြောင်း သိရသည်။
.

No comments:

Post a Comment

Journal Download

Photo of three cats

About