မိုင်းဆတ်တွင် ငွေကျပ်သိန်းပေါင်း ၃ သောင်းကျော်တန်ဖိုးရှိ စိတ်ကြွရူးသွပ်ဆေးများနှင့် လက်နက်များ သိမ်းဆည်းရမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, July 23, 2020

မိုင်းဆတ်တွင် ငွေကျပ်သိန်းပေါင်း ၃ သောင်းကျော်တန်ဖိုးရှိ စိတ်ကြွရူးသွပ်ဆေးများနှင့် လက်နက်များ သိမ်းဆည်းရမိ

မင်းဇော်မင်း
.
ရှမ်းပြည်နယ်အရှေ့ပိုင်း၊ မိုင်းဆတ်မြို့နယ်တွင် ဇူလိုင်လ ၂၂ ရက်၊ နံနက်ပိုင်းက ငွေကျပ်သိန်းပေါင်း ၃၂၇၀၀ တန်ဖိုးရှိ စိတ်ကြွရူးသွပ်ဆေးမှုန့်များနှင့် လက်နက်များ သိမ်းဆည်းရမိခဲ့ကြောင်း သိရသည်။
.

.
လုံခြုံရေးတပ်ဖွဲ့ဝင်များသည် ဇူလိုင်လ ၂၂ ရက်၊ နံနက် ၉ နာရီခွဲခန့်က မိုင်းဆတ်မြို့နယ်၊ စတုံးကျေးရွာအုပ်စု၊ မယ်ကြုတ် (၁) ကျေးရွာအနီးရှိ မြေကြီးအတွင်းသိုဝှက်ထားသော ပလတ်စတစ်ပေပါများအတွင်းမှ ဆာလာ အိတ်များ ဖြင့် ထည့်ထားသည့် စိတ်ကြွရူးသွပ်ဆေးမှုန့် အလေးချိန် ၃၂၇ ကီလို၊ ဒေသကာလပေါက်စျေး တန်ဖိုးငွေကျပ်သိန်း ၃၂၇၀၀ နှင့် ပုလင်းများဖြင့်ထည့်ထားသည့် အနံ့ဆေးရည် ၈ ဒသမ ၄ လီတာ၊ ဒေသ ကာလပေါက်စျေးတန်ဖိုးငွေ ၂၅၂၀၀ ကျပ်၊ M-22 ဒင်ခေါက်သေနတ် ၄ လက်၊ M-16 သေနတ် ၁ လက်၊ AK-47 သေနတ် ၁ လက်တို့အား တွေ့ရှိ သိမ်းဆည်းရမိခဲ့ခြင်းဖြစ်ကြောင်း သိရသည်။
.
သိမ်းဆည်းရမိမူးယစ်ဆေးဝါးများအား မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့သို့ လွှဲပြောင်းအပ်ပေး ခဲ့ပြီး မိုင်းတွမ်းနယ်မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေဖြင့် အမှုဖွင့်ကာ တရားခံ ဖမ်းဆီးရမိရေးအတွက် ဆောင်ရွက်လျက်ရှိကြောင်း သိရသည်။
.

No comments:

Post a Comment

Journal Download

Photo of three cats

About