တောင်ကြီးတွင် (၇၃) နှစ်မြောက် အာဇာနည်နေ့အခမ်းအနား ပြုလုပ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တောင်ကြီးတွင် (၇၃) နှစ်မြောက် အာဇာနည်နေ့အခမ်းအနား ပြုလုပ်

ကမ္ဘောဇတိုင်း
.
၇၃ နှစ်မြောက် အာဇာနည်နေ့ အထိမ်းအမှတ်အဖြစ် ရှမ်းပြည်နယ်မြို့တော် တောင်ကြီးမြို့၊ ဗိုလ်ချုပ် အောင်ဆန်း ပန်းခြံအတွင်းရှိ ဗိုလ်ချုပ်ကြေးရုပ်တွင် ယနေ့ ဇူလိုင်လ ၁၉ ရက်၊ နံနက်ပိုင်းက ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ်နှင့် ပြည်နယ်အစိုးရအဖွဲ့ဝင်များ၊ တာဝန်ရှိသူများ၊ နိုင်ငံ့ဝန်ထမ်းများ၊ ရဟန်း ရှင်လူ ပြည်သူလူထုများ၊ ကျောင်းသား/သူများ၊ နိုင်ငံရေးပါတီများ၊ အသင်းအဖွဲ့များက လွမ်းသူ့ပန်းခွေချ အလေးပြုခြင်းများ ဆောင်ရွက်ခဲ့ကြောင်း သိရသည်။
.


.
ထို့နောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် ပြည်နယ်အစိုးရအဖွဲ့ဝင်များ၊ တာဝန်ရှိသူများ သည် တောင်ကြီးမြို့၊ အတုလ မာရဇိန် ဆုတောင်းပြည့်မြတ်စွာဘုရား မြို့လယ်ဓမ္မာရုံတွင် ကျဆုံးလေ ပြီးသော အာဇာနည်ခေါင်းဆောင် ကြီးများအား ရည်စူး၍ ဆရာတော်၊ သံဃာတော်များအား ဆွမ်းနှင့် လှူဖွယ် ဝတ္ထု ဆက်ကပ်လှူဒါန်းခြင်း၊ ရေစက်ချတရားတော် နာယူခြင်းတို့ကို ဆောင်ရွက်ခဲ့ကြောင်း သိရသည်။
.
အလားတူ အာဇာနည်ခေါင်းဆောင်ကြီးများ လုပ်ကြံခံခဲ့ရသည့် နံနက် ၁၀ နာရီ ၃၇ မိနစ် တိတိတွင် တောင်ကြီး မြို့ပေါ်၌ ဥဩဆွဲခြင်း၊ ကားဟွန်းရှည်တီးခြင်းများဖြင့် အလေးပြုခဲ့ကြကြောင်း သိရသည်။
.
ယခုနှစ် အာဇာနည်နေ့ အခမ်းအနားကို COVID-19 ကပ်ရောဂါ ကူးစက်မှုမှ ကာကွယ်နိုင်ရန်အတွက် အကျဉ်းချုံးသာ ပြုလုပ်ခဲ့ကြောင်း သိရသည်။
.

Journal Download

Photo of three cats