လားရှိုးညဈေးတန်းအား ကျန်းမာ‌ရေးလမ်းညွှန်ချက်များနှင့်အညီ ပြန်လည်ဖွင့်လှစ်ခွင့်ပြုမည် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, July 20, 2020

လားရှိုးညဈေးတန်းအား ကျန်းမာ‌ရေးလမ်းညွှန်ချက်များနှင့်အညီ ပြန်လည်ဖွင့်လှစ်ခွင့်ပြုမည်

စုလှိုင်
.
ရှမ်းပြည်နယ်မြောက်ပိုင်း၊ လားရှိုးမြို့ရှိ ညဈေးတန်းအား ဇူလိုင်လ ၂၁ ရက်မှ စတင်၍ ကျန်းမာ‌ရေးနှင့် အား ကစား ဝန်ကြီးဌာနမှ ထုတ်ပြန်ထားသော စည်းကမ်းသတ်မှတ်ချက်များနှင့်အညီ ပြန်လည်ဖွင့်လှစ်ရောင်းချ ခွင့် ပြုသွားမည် ဖြစ်ကြောင်း သိရသည်။
.
Photo - IPRD (Shan North)
.
“ညဈေးတန်း ၂၁ ရက် ပြန်ဖွင့်မှာ ဟုတ်ပါတယ်။ ကျန်းမာရေးရဲ့ လမ်းညွှန်ချက်အတိုင်း ဖွင့်မှာပါ။ အချိန်က တော့ ညနေ ၄ နာရီကနေ ည ၁၀ နာရီအထိပါပဲ။ တစ်ခန်းခြားစနစ်နဲ့ပဲ ဖွင့်ခွင့်ပြုမှာပါ။ ဆိုင်ခန်းအရေအတွက် ကတော့ အခုမှ မြေပုံ ဆွဲနေတုန်းဆိုတော့ မသိသေးပါဘူး” ဟု လားရှိုးမြို့နယ်စည်ပင်သာယာရေးဌာနမှ အမှုဆောင်အရာရှိ ဦးကျော်ဇင်က ကမ္ဘောဇတိုင်းသို့ ပြောသည်။
.
COVID-19 ရောဂါ ကူးစက်ပြန့်ပွားမှု မရှိစေရေးအတွက် ရှမ်းပြည်နယ်အတွင်းရှိ မြို့ရွာအသီးသီးမှ ညဈေး တန်းများကို မတ်လ ၂၃ ရက်မှ စတင်၍ ယာယီပိတ်ထားရန် ရှမ်းပြည်နယ်စည်ပင်သာယာရေးဌာနက ညွှန် ကြားထားခဲ့ခြင်းဖြစ်ပြီး မြို့တော်တောင်ကြီးရှိ နာရီစင်ညဈေးတန်းအား ဇူလိုင်လ ၁၂ ရက်က ကျန်းမာရေး ဆိုင်ရာ လမ်းညွှန်ချက်များနှင့် အညီ တစ်ခန်းခြားစနစ်ဖြင့် ပြန်လည်ရောင်းချခွင့် ပြုထားကြောင်း သိရသည်။
.
လားရှိုးမြို့သည် ရှမ်းပြည်နယ်မြောက်ပိုင်း၏ မြို့တော်ဖြစ်ပြီး တရုတ်-မြန်မာ ကုန်သွယ်ရေးလမ်းကြောင်း ပေါ်ရှိ မြို့ကြီး တစ်ခုဖြစ်ကာ လားရှိုးညဈေးတန်းမှာလည်း ထင်ရှားကြောင်း သိရသည်။
.

No comments:

Post a Comment

Journal Download

Photo of three cats

About