ကျိုင်းတုံမြို့နယ်တွင် ရေ လိုအပ်ချက်ကြောင့် တောင်သူ ၆၇ ဦး၏ လယ်များ စိုက်ပျိုးနိုင်ခြင်း မရှိသေး

ထက်တိုင်းကျော်

.

ရှမ်းပြည်နယ်အရှေ့ပိုင်း၊ ကျိုင်းတုံမြို့နယ်၊ မိုင်းခွန်ကျေးရွာအုပ်စုတွင် တည်ဆောက်ထားသည့် ကျိုင်းတုံ စွမ်းအင် ပုဂ္ဂလိကမီးလင်းရေး ကုမ္ပဏီမှ တောင်သူများ၏ လယ်ရေ လိုအပ်ချက်အတွက် ရေလွှတ်ပေးနိုင်ခြင်း မရှိသေးသဖြင့် တောင်သူ ၆၇ ဦး ၏ လယ် ၁၆၇ ဧကမှာ စိုက်ပျိုးနိုင် ခြင်း မရှိသေးကြောင်း သိရသည်။

.

.

ကျိုင်းတုံစွမ်းအင် ကုမ္ပဏီ အနေဖြင့် လျှပ်စစ်ဓါတ်အား ထုတ်လုပ်ရေးစက် စတင် တည်ဆောက်ရန် အတွက် သဘောတူစာချုပ် ချုပ်ဆိုရာတွင် နှစ်စဉ် လယ်စိုက်ပျိုးချိန်၌ ဒေ သခံများ၏ လယ်ရေလိုအပ်မှုအတွက် ရေလွှတ်ပေးရန် သဘောတူညီထားခဲ့ကြောင်း သိရသည်။

.

“စာချုပ်မှာတော့ လယ်စိုက်ချိန် ၃ လ ရေပေးမယ်လို့ ပြောတယ်။ စိုက်လို့ အဆင်မပြေတာကတော့ ၃ နှစ်၊ ၄ နှစ်လောက် ရှိပါပြီ။ လယ်သမားက လယ် မစိုက်ပျိုးရလို့ ရေသွင်းပေးဖို့ တောင်းဆိုချင်ပါတယ်”ဟု မိုင်းခွန် ကျေးရွာအုပ်စု၊ ဝမ်လင်းကျေးရွာနေ ဒေသခံ တောင်သူတစ်ဦးက ပြော သည်။

.

အဆိုပါ ကိစ္စနှင့် ပတ်သက်၍ ကျိုင်းတုံစွမ်းအင် ကုမ္ပဏီမှ မန်နေ ဂျာ ဦးစိုင်းဆမ်တစ်အား ကမ္ဘောဇတိုင်းမှ သွားရောက်တွေ့ဆုံ မေးမြန်း ရာတွင် “ကျွန်တော်တို့ ကုမ္ပဏီက လယ်သမားတွေအတွက် အမြဲတမ်း ရေ လွှတ်ပေးထားပါတယ်။ ၂ လက်မ ပိုက်ကို အပြင် ရေတံခါးပေါက်ကနေ လည်း ဟ ပေးထားပါတယ်”ဟု ပြော ဆိုခဲ့သည်။

.

“ရေပေးထားတယ်ဆိုတဲ့ မြောင်း နဲ့ လယ်တွေကို လိုက်ကြည့်ပါ။ သူ တို့စက်ရုံလာဆောက်မှ ခုလိုမျိုး ရေမ ရတော့လို့ လယ်မစိုက်ရတာပါ” ဟု ဒေသခံ တစ်ဦးက ပြောသည်။

.

ယင်းကဲ့သို့ လယ်စိုက်ပျိုးချိန် တွင် ရေမရ၍ စိုက်ပျိုးနိုင်ခြင်း မပြု နိုင်သည့် တောင်သူများမှာ မိုင်းခွန် ကျေးရွာအုပ်စုရှိ ကောင်းဆန်းကျေး ရွာ၊ ဝမ်လင်းကျေးရွာ၊ ဟွေကွယ်ကျေး ရွာအုပ်စုရှိ ဖရံလုံကျေးရွာနှင့် ဝင်းဘို ကျေးရွာ အုပ်စုရှိ နာကျန်းရွာများမှ တောင်သူ ၆၇ ဦး၏လယ်မြေ ၁၆၇ ဧက ဖြစ်ကြောင်း သိရသည်။

.