အခြေခံလူတန်းစားများအား စားနပ်ရိက္ခာ ၅ မျိုး ထောက်ပံ့ပေးရာတွင် ကျန်ခဲ့သူများအား ငွေကြေး ထောက်ပံ့ - Kanbawza Tai News

Breaking

Wednesday, July 1, 2020

အခြေခံလူတန်းစားများအား စားနပ်ရိက္ခာ ၅ မျိုး ထောက်ပံ့ပေးရာတွင် ကျန်ခဲ့သူများအား ငွေကြေး ထောက်ပံ့

ထက်တိုင်းကျော်
.
ရှမ်းပြည်နယ်အရှေ့ပိုင်း၊ ကျိုင်းတုံမြို့နယ်တွင် COVID-19 ကူးစက်ရောဂါ ကြိုတင်ကာကွယ်ရေးကာလ အတွင်း ပုံမှန် ဝင်ငွေမရရှိသည့် အခြေခံလူတန်းစားများအား ရိက္ခာ ၅ မျိုး ထောက်ပံ့ပေးအပ်ရာတွင် အကြောင်းအမျိုးမျိုးကြောင့် ကျန်ရှိခဲ့သော အိမ်ထောင်စုများအား တစ်အိမ်ထောင်လျှင် ငွေကျပ် ၁၅၀၀၀ စီ ထောက်ပံ့ပေးအပ်လျက်ရှိကြောင်း သိရသည်။
.
.
“ရိက္ခာ ၅ မျိုး ထောက်ပံ့ပေးတုန်းက ဆယ်အိမ်မှူးနဲ့ ရာအိမ်မှူးတွေ ပေးတဲ့စာရင်းကို အချိန်မီ ပြုစုပေး လိုက်ရတော့ အားနည်းချက်ရှိပြီး ကျန်နေခဲ့တာ ဖြစ်ပေမဲ့ အခု ငွေထောက်ပံ့တာတော့ သေချာစိစစ်ပြီး စာရင်း လုပ်ထားပါတယ်” ဟု ကျိုင်းတုံမြို့နယ်အတွင်းရှိ ကျေးရွာအုပ်စုတစ်ခုမှ အုပ်ချုပ်ရေးမှူးက ကမ္ဘောဇတိုင်းသို့ ပြောသည်။
.
ကျိုင်းတုံမြို့နယ်ရှိ ရပ်ကွက် ၅ ခုနှင့် ကျေးရွာအုပ်စု ၃၀ တို့တွင် COVID-19 ကပ်ရောဂါ ကာကွယ်ထိန်းချုပ် ကုသရေး ကာလအတွင်း ပုံမှန်ဝင်ငွေမရှိသည့် အခြေခံလူတန်းစားများအား ရိက္ခာ ၅ မျိုး ထောက်ပံ့ပေးအပ် စဉ်က ကျန်ရှိခဲ့သည့် အိမ်ထောင်စု ၅၀၂၂ စုတို့အတွက် အိမ်ထောင်စုတစ်စုလျှင် ငွေကျပ် ၁၅၀၀၀ နှုန်းဖြင့် စုစုပေါင်း ငွေကျပ် ၇၅၃၃၀၀၀၀ ကို ထောက်ပံ့ပေးအပ်နေခြင်းဖြစ်ကြောင်း သိရသည်။
.

No comments:

Post a Comment

Journal Download

Photo of three cats
'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();

Fixed Sidebar (true/false)