ကျိုင်းတုံရှိ မြေနိမ့်ပိုင်း နေရာအချို့ တွင် ရေကြီးရေလျှံမှုများကို ကြုံတွေ့ ခံစားနေရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, July 29, 2020

ကျိုင်းတုံရှိ မြေနိမ့်ပိုင်း နေရာအချို့ တွင် ရေကြီးရေလျှံမှုများကို ကြုံတွေ့ ခံစားနေရ


ထက်တိုင်းကျော်
.
ရှမ်းပြည်နယ်အရှေ့ပိုင်း၊ ကျိုင်းတုံ မြို့၊ အမှတ် (၄) ရပ်ကွက်ရှိ မြို့သစ် ကျိုင်းလိပ်ရပ်တွင် မိုးသည်းထန်စွာ ရွာသွန်းမှုကြောင့် ရေကြီးရေလျှံမှုများ ဖြစ်ပွားလျက်ရှိကြောင်း သိရသည်။
.

.
ယင်းကဲ့သို့ ရေကြီးရေလျှံမှုကြောင့် လူနေရပ်ကွက် အတွင်းရှိ နေအိမ်များ၊ လမ်းများနှင့် ဌာနဆိုင်ရာ ရုံးအချို့တွင် ရေဝင် နစ်မြုပ်၍ သွားလာရ ခက်ခဲခြင်း၊ ရွှံ့နွံများ တင်ကျန်ခြင်း၊ ရေနှင့်အတူ မျောပါလာသည့် အမှိုက်သရိုက်များ ပြန့်ကျဲ ကျန်ရစ် ခြင်းများကို ကြုံတွေ့ နေရသည်ဟု ဒေသခံများထံက သိရသည်။
.
ရပ်ကွက် (၄) အုပ်ချုပ်ရေးမှူးနဲ့ ဆွေးနွေး ညှိနှိုင်း ထားပါတယ်။ စည် ပင်သာယာက ရေမြောင်းဆယ်တာ တွေကို လုပ်ပါ့မယ်။ ပြည်သူတွေကလည်း ကိုယ့်အိမ်ရှေ့နေရာလောက်ကိုတော့ ပူးပေါင်း ကူညီဆောင်ရွက်ပေးဖို့ မေတ္တာ ရပ်ခံချင်ပါတယ်”ဟု ကျိုင်းတုံမြို့နယ် စည်ပင်သာယာရေးဌာနမှ အမှုဆောင်အရာရှိ ဦးကျော်မင်းထိုက်က ကမ္ဘောဇတိုင်းသို့ ပြောသည်။
.
ယင်းကဲ့သို့ ရေကြီးရေလျှံမှုများနှင့် ပတ်သက်၍ ကျိုင်းတုံဒေသခံတစ်ဦးကလည်း “ရေမြောင်းတွေကိုစနစ်တကျ တူးဖော်ပြီးရင်လည်း လူနေအိမ်တွေ၊ ဈေးဆိုင်တွေအနေနဲ့ အမှိုက်ကို ရေမြောင်းထဲ စည်းကမ်းမဲ့ မပစ်ကြဖို့ လိုပါတယ်”ဟု ၎င်း၏အမြင်ကို ပြောဆိုခဲ့သည်။
.
ကျိုင်းတုံမြို့ရှိ နမ့်ခင်ချောင်းနှင့် နမ့်ခင်နွဲချောင်းတို့သည် မိုးသည်း ထန်ချိန်တွင် နှစ်စဉ် သဲနုန်းများ ပို့ချ၍ ချောင်း တိမ်ကော လာသဖြင့် မြေနိမ် ပိုင်း နေရာများ၌ ရေကြီးရေလျှံမှုများ ဖြစ်ပွားနေရခြင်း ဖြစ်ကြောင်း သိရ သည်။
.

No comments:

Post a Comment

Journal Download

Photo of three cats

About