COVID-19 အတည်ပြုလူနာ အသစ် ၅ ဦး ထပ်မံ တွေ့ရှိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, July 10, 2020

COVID-19 အတည်ပြုလူနာ အသစ် ၅ ဦး ထပ်မံ တွေ့ရှိ


COVID-19 ပိုးတွေ့လူနာအသစ် ၅ ဦး ထပ်မံ တွေ့ရှိကြောင်း ကျန်းမာရေးနှင့် အားကစားဝန်ကြီးဌာနက ယနေ့ (ဇူလိုင်လ ၁၀ ရက်) ည ၈ နာရီ အတည်ပြု ထုတ်ပြန်ခဲ့သည်။
.
အဆိုပါ အတည်ပြုလူနာများမှာ အိန္ဒိယနိုင်ငံသို့ ခရီးသွား ရာဇဝင် ရှိ၍ ရန်ကုန်တိုင်းဒေသကြီး၊ ကျောက်တံတား မြို့နယ်တွင် အသွားအလာ ကန့်သတ်ထားသည့် အမျိုးသား ၂ ဦးနှင့် အမျိုးသမီး ၁ ဦး၊ ဘင်္ဂလားဒေ့ရှ်နိုင်ငံသို့ ခရီးသွား ရာဇဝင် ရှိ၍ ရခိုင်ပြည်နယ်၊ မောင်တောမြို့နယ်တွင် အသွားအလာ ကန့်သတ်ထားသည့် အမျိုးသား ၂ ဦးတို့ ဖြစ်ကြောင်း သိရသည်။
.
အမျိုးသား ကျန်းမာရေး ဓါတ်ခွဲမှု ဆိုင်ရာဌာန၊ ဆေးသုတေသနဦးစီးဌာန၊ ပြည်သူ့ကျန်းမာရေး ဓါတ်ခွဲမှုဆိုင်ရာဌာန (မန္တလေး)/(မော်လမြိုင်)နှင့် အမှတ်() တပ်မတော် ဆေးရုံတို့မှ စစ်ဆေးပြီးစီးခဲ့သော ဓာတ်ခွဲနမူနာ ၁၃၀၂ ခုအနက် ဦး၏ ဓါတ်ခွဲနမူနာတွင် COVID-19 ပိုး တွေ့ရခြင်း ဖြစ်ကြောင်း ထုတ်ပြန်ချက်တွင် ဖော်ပြထားသည်။
.
မြန်မာနိုင်ငံတွင် မတ်လ ၂၃ ရက်မှ ယနေ့ (ဇူလိုင်လ ၁၀ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၃၂၆ ဦး ရှိကာ၊ ယင်းအနက် ၆ ဦး သေဆုံး၍ ၂၅၆ ဦးမှာ ပြန်လည် သက်သာလာပြီ ဖြစ်ကြောင်းနှင့် ရှမ်းပြည်နယ်တွင်မူ COVID-19 အတည်ပြုလူနာ ၁၀ ဦး ရှိကာ ၁၀ ဦးလုံးမှာ ပြန်လည် သက်သာလာပြီ ဖြစ်ကြောင်း သိရသည်။

No comments:

Post a Comment

Journal Download

Photo of three cats

About