မိုင်းရှူးတွင် စာသင်ကျောင်းများအား COVID-19 ကြိုတင်ကာကွယ်ရေး အဖြစ် ပိုးသတ်ဆေး ဖြန်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, July 12, 2020

မိုင်းရှူးတွင် စာသင်ကျောင်းများအား COVID-19 ကြိုတင်ကာကွယ်ရေး အဖြစ် ပိုးသတ်ဆေး ဖြန်း


စိန်လှိုင်
.
ရှမ်းပြည်နယ်တောင်ပိုင်း၊ မိုင်းရှူးမြို့နယ်တွင် COVID-19 ကြိုတင်ကာကွယ်ရေး အဖြစ် စာသင်​ကျောင်းများအား ကြက်ခြေနီသူနာပြုတပ်ဖွဲ့က ​ ကျောင်းဖွင့်အမီ ပိုးသတ်ဆေး ပက်ဖြန်း​ပေး​နေကြောင်း သိရသည်။
.
ယခု ပညာသင်နှစ်သည် ယခင်ပညာသင်နှစ်များကဲ့သို့ မဟုတ်ဘဲ COVID-19 ကြောင့် ကျောင်းသား မိဘများ အနေဖြင့် စိုးရိမ် ပူပန်မှုများ ရှိကြသည့်အတွက် ကျောင်းဖွင့်ချိန် အမီ ပိုးသတ်ဆေး ဖြန်းခြင်းအားဖြင့် ကျောင်းသားမိဘများ၏ စိုးရိမ်ပူပန်မှုကို လျော့နည်းစေရန်၊ ကျောင်းသားများ အေးချမ်းစွာ ပညာသင်နိုင်စေရန် ရည်ရွယ်၍ ယခုကဲ့သို့ ဆောင်ရွက်ပေးရခြင်း ဖြစ်ကြောင်း မြို့နယ် ကြက်ခြေနီသူနာပြုတပ်ဖွဲ့၊ ဒုတပ်ရင်းမှူး ဦးစိုင်းစိုးထွန်းက ​ပြောကြားခဲ့သည်။
.

မိုင်းရှူးမြို့ရှိ အခြေခံပညာအထက်တန်း ကျောင်း၌ ယ​နေ့(ဇူလိုင်လ ၁၂ ရက်)၊ နံနက်ပိုင်းတွင် ပိုးသတ်ဆေး ဖြန်း​ခဲ့ခြင်း ဖြစ်ပြီး ရုံးခန်း၊ စာသင်ဆောင်များ၊ ကျောင်း ပတ်ဝန်းကျင်များ​နေရာများကို ပိုးသတ်ဆေး ပက်ဖြန်းပေးခဲ့ခြင်း ဖြစ်ကြောင်း သိရသည်။
.
ထို့အပြင် ကျန်ရှိသည့် အခြေခံပညာကျောင်းများကိုလည်း ကျောင်းဖွင့်အမီ ပိုးသတ်ဆေးလိုက်လံ ပက်ဖြန်းပေးသွားမည် ဖြစ်ကြောင်းလည်း သိရသည်။

No comments:

Post a Comment

Journal Download

Photo of three cats

About