ရှမ်းပြည်နယ်ရှိ ဘာသာရေး အဆောက်အဦများ ပြန်ပိတ်ရန် ညွှန်ကြား - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, July 29, 2020

ရှမ်းပြည်နယ်ရှိ ဘာသာရေး အဆောက်အဦများ ပြန်ပိတ်ရန် ညွှန်ကြား


ရှမ်းပြည်နယ်အတွင်းရှိ ဘာသာရေးဆိုင်ရာ အဆောက်အဦများအား ယနေ့ (ဇူလိုင်လ ၂၉ ရက်)မှ စတင်၍ ပြန်လည် ပိတ်သိမ်းရန် ရှမ်းပြည်နယ်အစိုးရအဖွဲ့က သက်ဆိုင်ရာ ဘာသာရေးအဖွဲ့အစည်းများထံသို့ ညွှန်ကြားခဲ့ကြောင်း သိရသည်။
.
“ ဟုတ်တယ်၊ အားလုံး ပြန်ပိတ်လိုက်ပြီ။ ကျန်းမာရေးနဲ့ မညီညွတ်တာတော့ မဟုတ်ဘူး။ အထက်က ညွှန်ကြားချက်အတိုင်း လိုက်နာတဲ့ သဘောပါ။ တခြား တိုင်းဒေသကြီး ၄ ခုမှာ ဖွင့်ထားတော့ ရှမ်းပြည်နယ် အနေနဲ့လည်း ရှမ်းပြည်နယ်အစိုးရရဲ့ ဆုံးဖြတ်ချက်နဲ့ ဖွင့်ခွင့် ပေးလိုက်တာပေါ့။ အခု ဒီနေ့တော့ ပြန်ပိတ်လိုက်ပြီ။”ဟု ရှမ်းပြည်နယ် အစိုးရအဖွဲ့ဝင်၊ ဗမာ တိုင်းရင်းသားလူမျိုးရေးရာ ဝန်ကြီး ဒေါက်တာ အောင်သန်းမောင်က ကမ္ဘောဇတိုင်းသို့ ပြောသည်။
.

ရှမ်းပြည်နယ်အတွင်းရှိ ဗုဒ္ဓဘာသာ၊ ခရစ်ယာန်၊ အစ္စလာမ်၊ ဟိန္ဒူဘာသာများ၏ ဘုရားကျောင်းများနှင့် ဘုရား ရှိခိုးခြင်း ကိစ္စများကို ဇူလိုင်လ ၂၄ ရက်မှ စတင်ပြီး ပြန်လည်ဖွင့်လှစ် ဆောင်ရွက်ခွင့် ပြုပြီးနောက် ၅ ရက်ခန့်အကြာတွင် ယခုကဲ့သို့ ပြန်လည် ပိတ်သိမ်းရန် ရှမ်းပြည်နယ်အစိုးရအဖွဲ့က ညွှန်ကြားခဲ့ခြင်း ဖြစ်သည်။
.
ပြန်လည် ဖွင့်လှစ်လိုသည့် ဘာသာရေးဆိုင်ရာ အဆောက်အဦများကို စိစစ်၍ ပြန်လည်တင်ပြရန် COVID-19 ကာကွယ်၊ ထိန်းချုပ်၊ ကုသရေးအမျိုးသားအဆင့် ဗဟိုကော်မတီက ညွှန်ကြားထားသဖြင့် ယင်း ဘာသာရေး အဆောက်အဦများ ပြန်လည် ဖွင့်လှစ်ခွင့် ရရှိရေးအတွက် ရှမ်းပြည်နယ်အစိုးရအဖွဲ့က စိစစ်မှုများ ပြုလုပ်ပြီး တင်ပြသွားမည် ဖြစ်ကြောင်း သိရသည်။

No comments:

Post a Comment

Journal Download

Photo of three cats

About