နာရေးကူညီမှုအသင်း (ရန်ကုန်) ဥက္ကဋ္ဌ ဦးကျော်သူ အောင်ပန်းရှိ ဒဂုန်တာရာဂူဗိမ္မာန်သို့ လာရောက်ဂါရဝပြု - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, July 30, 2020

နာရေးကူညီမှုအသင်း (ရန်ကုန်) ဥက္ကဋ္ဌ ဦးကျော်သူ အောင်ပန်းရှိ ဒဂုန်တာရာဂူဗိမ္မာန်သို့ လာရောက်ဂါရဝပြု


မင်းဇော်မင်း
.
နာရေးကူညီမှုအသင်း (ရန်ကုန်) ဥက္ကဋ္ဌ ဦးကျော်သူသည် ယနေ့ ဇူလိုင်လ ၃၀ ရက်က ရှမ်းပြည်နယ်တောင်ပိုင်း၊ ကလောမြို့နယ်၊ အောင်ပန်းမြို့ရှိ ဆရာကြီးဒဂုန်တာရာ၏ဂူဗိမ္မာန်သို့ လာရောက်ဂါရဝပြုခဲ့ပြီး အောင် ပန်း ဆေးရုံတွင် အာဟာရဒါနများ လှူဒါန်းပေးခဲ့ကြောင်း သိရသည်။
.

.
“ကျွန်တော် အောင်ပန်းသားလို့ ခံယူထားတာက ဆရာကြီးဒဂုန်တာရာက မုန်းသူမရှိ ချစ်သူသာရှိ ဆိုတဲ့အတိုင်း လူမှု ကူညီရေးလုပ်နေတဲ့သူဖြစ်လို့ မရောက်ဖူးသေးတဲ့ သူတွေကို လိုက်ပို့ရင်းနဲ့ ဆရာကြီးရဲ့ ဗိမ္မာန်ကို လာရောက်ဂါရဝ ပြုခြင်းဖြစ်ပါတယ်” ဟု နာရေးကူညီမှုအသင်း (ရန်ကုန်) ဥက္ကဋ္ဌ ဦးကျော်သူက ကမ္ဘောဇတိုင်းသို့ ပြောသည်။
.
၎င်းနှင့်အတူ နာရေးကူညီမှုအသင်း (ရန်ကုန်) မှ အသင်းဝင်များဖြစ်သည့် ဒေါ်ရွှေဇီးကွက်၊ သရုပ်ဆောင် ထွန်းကိုကို၊ စွမ်းထက်၊ ဇွဲလရောင်တို့ လိုက်ပါလာပြီး အောင်ပန်းမြို့ နာရေးကူညီမှုအသင်းနှင့် မြို့ဖွံ့ဖြိုးရေးကော်မတီဝင်များမှ လိုက်ပါပို့ဆောင်ပေးခဲ့သည်ဟု သိရသည်။
.
“ကားပျက်လို့ ဦးကျော်သူဆီ အကူအညီတောင်းခံတော့ အင်ဂျင်အလုံးလိုက်လဲပေးပြီး အောင်ပန်းအထိ ပြန်ပို့ပေးတယ်။ မြို့အတွက်လည်း တတ်နိုင်သမျှ ကူညီဆောင်ရွက်ပေးနေတဲ့အပြင် နောက်ပိုင်းလည်း ကူညီသွားမယ်လို့ သိရလို့ အောင်ပန်းမြို့အတွက် အထူးဝမ်းသာဂုဏ်ယူမိပါတယ်” ဟု အောင်ပန်းနာရေးကူညီမှုအသင်း ဥက္ကဋ္ဌ ဦးစိုးနိုင်က ပြောသည်။
.
ဦးကျော်သူနှင့် အဖွဲ့သည် အောင်ပန်းပြည်သူ့ဆေးရုံတွင် နံနက်စာအာဟာရ ကျွေးမွေးခဲ့သည့်အပြင် ဆေးရုံအတွက် ငွေကျပ် တစ်သိန်း လှူဒါန်းခဲ့သည်ဟု သိရသည်။
.

No comments:

Post a Comment

Journal Download

Photo of three cats

About