တောင်ကြီးမြို့ တောင်ချွန်းသွားလမ်းတွင် လုယက်နေသူကို ဖမ်းမိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

တောင်ကြီးမြို့ တောင်ချွန်းသွားလမ်းတွင် လုယက်နေသူကို ဖမ်းမိ


စုလှိုင်
.
မြို့တော် တောင်ကြီး၏ အထင်ကရနေရာ တစ်ခု ဖြစ်သည့် တောင်ချွန်းသို့ သွားရာလမ်းနှင့် တောင်ကြောပေါ်တွင် သွားလာသူ ပြည်သူများအား မကြာခဏ ခြိမ်းခြောက်၍ လုယက်ခဲ့သူကို ယနေ့ (ဇူလိုင်လ ၁၃ ရက်)၊ နေ့လယ်ပိုင်းက ရဲတပ်ဖွဲ့မှ ဖမ်းမိခဲ့ကြောင်း သိရသည်။
.

“ အသက် ၆၈ နှစ် အမျိုးသားပါ။ နေ့လယ် ၂ နာရီလောက်က ဖမ်းမိထားပါပြီ။”ဟု တောင်ကြီးမြို့မရဲစခန်းမှ စခန်းမှူး ဒုရဲမူး ထက်နိုင်ဟိန်းက ကမ္ဘောဇတိုင်းသို့ ပြောသည်။
.
အဆိုပါ တောင်ချွန်းသို့ သွားရာလမ်းနှင့် တောင်ကြောပေါ်တွင် သွားလာသူ ပြည်သူများအား မကြာခဏ ခြိမ်းခြောက်၍ လုယက်ခဲ့သူ အမျိုးသားကို တောင်ကြီးမြို့မရဲစခန်းမှ ဥပဒေပုဒ်မ ၃၈၆ ဖြင့် အမှုဖွင့် စစ်ဆေးနေကြောင်း ဒုရဲမူး ထက်နိုင်ဟိန်းထံက သိရသည်။
.
တောင်ကြီးမြို့သည် ပင်လယ်ရေ မျက်နှာပြင်အထက် အမြင့်ပေ ၄၇၁၂ ပေတွင် တည်ရှိပြီး တောင်ချွန်းမှာ အမြင့်ဆုံး နေရာဖြစ်ကာ ပင်လယ်ရေမျက်နှာပြင်အထက် ၅၇၅၅ ပေတွင် တည်ရှိ၍ တောင်ချွန်း တည်ရှိရာ တောင်တန်း တစ်လျှောက်တွင် တောင်ပေါ် တောစိမ်းသစ်တော၊ တောခြောက်သစ်တော၊ ထင်းရှူးတောများ ပေါက်ရောက် ရှင်သန်လျက်ရှိကြောင်း သိရသည်။

Journal Download

Photo of three cats