တာချီလိတ်နှင့် မိုင်းရယ်တွင် ငွေကျပ်သိန်းပေါင်း ၁၀၀၀၀ ကျော် တန်ဖိုးရှိ မူးယစ်ဆေးများ ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, July 11, 2020

တာချီလိတ်နှင့် မိုင်းရယ်တွင် ငွေကျပ်သိန်းပေါင်း ၁၀၀၀၀ ကျော် တန်ဖိုးရှိ မူးယစ်ဆေးများ ဖမ်းမိ


ရှမ်းပြည်နယ်၊ တာချီလိတ်မြို့နှင့် မိုင်းရယ်မြို့တို့တွင် ဇူလိုင်လ ၉ ရက်နှင့် ၁၀ ရက်က ငွေကျပ်သိန်းပေါင်း ၁၀၀၀၀ ကျော် တန်ဖိုးရှိ မူးယစ်ဆေးများကို မူးယစ်ဆေးဝါး တားဆီးနှိမ်နှင်းရေး ရဲတပ်ဖွဲ့က သီးခြားစီ ဖမ်းမိခဲ့ကြောင်း သိရသည်။
.


မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ ဇူလိုင်လ ၉ ရက်၊ ညနေ ၃ နာရီခန့်က တာချီလိတ်မြို့နယ်၊ ဆန်ဆိုင်း(ခ)ရပ်ကွက်၊ ဝမ်မိုင်ကျေးရွာရှိ လမ်းပေါ်တွင် မိုင်းဆတ်မြို့နယ်၊ ပူနားကိုကျေးရွာနေ လီမာ(ခ)အားဒို မောင်းနှင်လာသည့် မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် သိုဝှက်သယ်ဆောင်လာသော ဆာလာအိတ် အတွင်းမှ စိတ်ကြွ ရူးသွပ်ဆေးပြား ၃ဝဝဝဝဝ ပြား (ဒေသကာလပေါက်ဈေး တန်ဖိုးငွေကျပ် သိန်းပေါင်း ၄၅ဝဝ)အား သိမ်းဆည်းရမိခဲ့ခြင်း ဖြစ်ကြောင်း သိရသည်။
.
ထို့အတူ ဇူလိုင်လ ၁ဝ ရက်၊ ညနေ ၆ နာရီခန့်တွင် မိုင်းရယ်မြို့နယ်၊ မိုင်းရယ်-လားရှိုးသွား ကားလမ်းတွင် မိုင်းရယ်မြို့ဘက်မှ လားရှိုးမြို့ဘက်သို့ လားရှိုးမြို့၊ ရပ်ကွက်(၇) နေသူများ ဖြစ်သည့် ကျင်ရှန်ရှုံး စီးနင်း မောင်းနှင်လာသည့် မော်တော်ယာဉ်နှင့် ဟွယ်ချန် စီးနင်း မောင်းနှင်လာသည့် မော်တော်ယာဉ်တို့အား ရပ်တန့် စစ်ဆေးရှာဖွေရာ ဟွယ်ချန် မောင်းနှင်လာသည့် မော်တော်ယာဉ်ပေါ်တွင် ၎င်းတို့ ၂ ဦး အကျိုးတူ သိုဝှက် သယ်ဆောင်လာသော Ice အလေးချိန် ၃ဝ ကီလို (ဒေသကာလပေါက်စျေး တန်ဖိုးငွေ ကျပ်သိန်းပေါင်း ၆ဝဝဝ)တို့အား တွေ့ရှိသိမ်းဆည်းရမိခဲ့ကြောင်းလည်း သိရသည်။
.
အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူများအား တာချီလိတ်မြို့မရဲစခန်းနှင့် မိုင်းရယ်မြို့မ ရဲစခန်းတို့တွင် မူးယစ်ဆေးဝါးနှင့် စိတ်ကိုပြောင်းလဲ စေသောဆေးဝါးများဆိုင်ရာဥပဒေဖြင့် အမှုဖွင့်အရေးယူပြီး ကွင်းဆက်များ ဖော်ထုတ်စစ်ဆေးလျက်ရှိကြောင်း မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့က သတင်း ထုတ်ပြန်ထားသည်။

No comments:

Post a Comment

Journal Download

Photo of three cats

About