အောင်ပန်းမြို့တွင် အမျိုးသားတစ်ဦး လမ်းဘေး၌ လဲကျ သေဆုံးနေ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, July 11, 2020

အောင်ပန်းမြို့တွင် အမျိုးသားတစ်ဦး လမ်းဘေး၌ လဲကျ သေဆုံးနေ


ခွန်သန်းအောင်
.
ကလောမြို့နယ်၊ အောင်ပန်းမြို့၊ အမှတ်(၃)ရပ်ကွက်၊ အေးမြင့်သာယာရပ်၊ နယ်မြေ(၂)ရှိ လမ်းဘေးတွင် ဇူလိုင်လ ၁၀ ရက်၊ နေ့လယ်ပိုင်းက အမျိုးသား တစ်ဦး လဲကျသေဆုံးနေသဖြင့် ရုပ်အလောင်းအား အောင်ပန်းတိုက်နယ် ဆေးရုံသို့ ပို့ဆောင်ထားကြောင်း သိရသည်။
.

သေဆုံးသူမှာ အသက် ၃၅ နှစ်အရွယ်ခန့်ရှိ အောင်ကြီး (ခ) ပအိုဝ်း (နေရပ် မသိရ) အမျိုးသား ဖြစ်ပြီး နယ်မြေ(၂)ရှိ လမ်းအတိုင်း အရက် မူးလျက် လမ်းလျှောက်နေစဉ် လဲကျ၍ မြေ၌ စွဲကပ်နေသော လမ်းခင်းကျောက်နှင့် ရိုက်မိသဖြင့် ဦးခေါင်းနောက်စေ့တွင် ပေါက်ပြဲဒဏ်ရာ ရရှိကာ သေဆုံးခဲ့ခြင်း ဖြစ်ကြောင်း ရဲမှတ်တမ်းများအရ သိရသည်။
.
ထို့အတူ သေဆုံးသူသည် ရပ်ကွက်အတွင်း လှည့်လည် သွား/လာကာ မူးယစ် သောက်စား၍ အရက်ကြောင် ကြောင်နေသူ ဖြစ်ပြီး လမ်းဘေးတွင် မူးလဲ အိပ်နေလေ့ရှိသော အလေအလွင့် တစ်ယောက် ဖြစ်ကြောင်း ရဲမှတ်တမ်းများတွင် ဖော်ပြထားသည်။
.
အဆိုပါ သေဆုံးသူ၏ ရုပ် အလောင်းအား “ဦးစိုးနိုင်” လူမှုကူညီရေးအသင်းကားဖြင့် အောင်ပန်းတိုက်နယ် ဆေးရုံသို့ ပို့ဆောင်ကာ အောင်ပန်းနယ်မြေ ရဲစခန်းတွင် သေမှုသေခင်း အမှတ်စဉ် (၁၀/၂၀၂၀)ဖြင့် အမှုဖွင့်လှစ်၍ ဓမ္မတာအတိုင်း သေဆုံးခြင်း ဟုတ်/မဟုတ် စစ်ဆေးလျက် ရှိကြောင်း သိရသည်။

No comments:

Post a Comment

Journal Download

Photo of three cats