ကျိုင်းတုံတွင် ကျပ်သိန်းပေါင်း ၂ သိန်းခွဲကျော်တန်ဖိုးရှိ မူးယစ်ဆေးဝါးများ ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, June 8, 2020

ကျိုင်းတုံတွင် ကျပ်သိန်းပေါင်း ၂ သိန်းခွဲကျော်တန်ဖိုးရှိ မူးယစ်ဆေးဝါးများ ဖမ်းမိ


စိုင်းသိင်္ခသူ
.
ရှမ်းပြည်နယ်အရှေ့ပိုင်း၊ ကျိုင်းတုံမြို့နယ်တွင် ဇွန်လ ၇ ရက်၊ ညနေပိုင်းက ငွေကျပ်သိန်းပေါင်း ၂ သိန်းခွဲကျော် တန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း သိရသည်။
.
 
.
မူးယစ်ဆေးဝါး တားဆီးနှိမ်နင်းရေးတပ်ဖွဲ့ဝင်များ ပါဝင်သော ပူးပေါင်းအဖွဲ့သည် သတင်းအရ ဇွန်လ ၇ ရက်၊ ညနေပိုင်းတွင် ကျိုင်းတုံမြို့နယ်၊ ဝမ်မိုင်ကျေးရွာလမ်းခွဲအနီး၊ ကျိုင်းတုံနည်းပညာတက္ကသိုလ်ရှေ့တွင် သတင်းအရ မော်တော်ယာဉ်များကို စစ်ဆေးရာ ကား ၃ စီးဖြင့် သယ်ဆောင်လာသော ယင်းမူးယစ်ဆေးဝါးများကို ဖမ်းဆီးရမိခဲ့ခြင်း ဖြစ်ကြောင်း သိရသည်။
.
“သူတို့က ကတ်ထိုက်ကျေးရွာကနေ ကျိုင်းတုံမဝင်ရတဲ့ မြို့ရှောင်လမ်းကထွက်ပြီး မိုင်းပျဉ်းဘက်ကို သွားကြမယ်လို့ သတင်းအခိုင်အမာရထားတယ်။ အဲဒါကြောင့် ကျွန်တော်တို့က ကျိုင်းတုံမြို့ရှောင်လမ်း မရောက်ခင် နေရာကနေ စောင့် ဖမ်းခဲ့တာပါ” ဟု ဖမ်းဆီးရာတွင် ပါဝင်သူတစ်ဦးက ပြောသည်။
.
အဆိုပါ မော်တော်ယာဉ် ၃ စီးပေါ်တွင် လူ ၅ ဦးနှင့်အတူ အိုက်စ် ကီလို ၁၀၀၀ ခန့်၊ တန်ဖိုးငွေကျပ် သိန်းပေါင်း ၂ သိန်းခွဲနှင့် ဘိန်းဖြူ ၃ ကီလို၊ တန်ဖိုး သိန်း ၄၈၀၊ စုစုပေါင်း ငွေကျပ် သိန်းပေါင်း ၂၅၀၄၈၀ အား ဖမ်းဆီးရမိခဲ့ခြင်း ဖြစ်ကြောင်း သိရသည်။
.
ဖမ်းဆီးရမိသည့် မူးယစ်ဆေးဝါးများနှင့် သယ်ဆောင်လာသူများအား ကျိုင်းတုံမြို့မရဲစခန်းသို့ စနစ်တကျ လွှဲပြောင်း အပ်နှံကာ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေဖြင့် အရေးယူကာ ကွင်းဆက် များအား ဖော်ထုတ်စစ်ဆေးလျက်ရှိကြောင်း သိရသည်။
.

No comments:

Post a Comment

Journal Download

Photo of three cats