ကမ္ဘာတဝန်းတွင် COVID-19 ကြောင့် သေဆုံးသူ ဦးရေ ၅ သိန်းကျော်ထိ ရှိလာ

မင်းဇော်မင်း

.

ကမ္ဘာတဝန်းတွင် COVID-19 ကြောင့် သေဆုံးသူဦးရေမှာ ယနေ့ (ဇွန်လ ၂၉ ရက်)၊ နံနက်ပိုင်းထိ ၅ သိန်းကျော်အထိ ရှိလာခဲ့ပြီ ဖြစ်ကြောင်း worldometer ၏ အချက်အလက်များအရ သိရသည်။

.

အဆိုပါ ကိန်းဂဏန်းသည် ကမ္ဘာတဝန်းရှိ COVID-19 ကပ်ရောဂါ ကူးစက်ဖြစ်ပွားမှု၏ မနှစ်မြို့ဖွယ်ရာ မှတ်တိုင် တစ်ခုကို ရောက်ရှိလာခဲ့ခြင်း ဖြစ်ကာ ကပ်ရောဂါ ကူးစက်မှုသည် ယခုအခါ ကမ္ဘာ့နိုင်ငံ အချို့၌ ပြန်လည် ဖြစ်ပေါ်လာနေကာ ဒေသ တစ်ချို့တွင်လည်း ကူးစက်မှု ပထမလှိုင်းနှင့် ရင်ဆိုင်နေရဆဲ ဖြစ်သည်။

.

(Photo - ICRC)

COVID-19 ကြောင့် ယခုအခါ ကမ္ဘာတဝန်း သေဆုံးသူ ဦးရေ ၅ သိန်းခန့်နှင့် ကူးစက်ခံထားရသူ စုစုပေါင်း ၁၀ သန်းကျော်ခန့်အထိ ရှိနေခဲ့ပြီ ဖြစ်ကြောင်း သိရသည်။

.

ပြီးခဲ့သည့် သီတင်းပတ်များအတွင်း COVID-19 ကြောင့် သေဆုံးမှုနှုန်းမှာ ယေဘုယျအားဖြင့် ကျဆင်းခဲ့သော်လည်း အမေရိကန်၊ အိန္ဒိယ၊ ဘရာဇီး စသည့် နိုင်ငံများတွင် ကူးစက်မှု အရေအတွက် စံချိန်တင် မြင့်တက်လာနေကာ အာရှဒေသ အချို့တွင်လည်း ကူးစက်မှု အသစ်များ ဖြစ်ပွားလာနေကြောင်း သိရသည်။

.

ရိုက်တာသတင်းဌာနက ဇွန်လ ၁ ရက်မှ ဇွန်လ ၂၇ ရက်ထိ အချက်အလက်များအပေါ် အခြေခံ၍ တွက်ချက်ထားမှုအရ COVID-19 ကြောင့် ၂၄ နာရီတိုင်းတွင် ပျမ်းမျှလူဦးရေ ၄၇၀၀ ကျော် သေဆုံးလျက် ရှိကြောင်း သိရသည်။