စဝ်စံထွန်းဆေးရုံ၌ ဆေးကုသမှု ခံယူနေသည့် COVID-19 လူနာအမှတ်(၂၃၀) ဆေးရုံမှဆင်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, June 24, 2020

စဝ်စံထွန်းဆေးရုံ၌ ဆေးကုသမှု ခံယူနေသည့် COVID-19 လူနာအမှတ်(၂၃၀) ဆေးရုံမှဆင်း


တောင်ကြီးမြို့၊ စဝ်စံထွန်းဆေးရုံ၌ ဆေးကုသမှု ခံယူခဲ့သော COVID-19 လူနာအမှတ်(၂၃၀)၏ ဓါတ်ခွဲနမူနာတွင် ၂ ကြိမ်ဆက် ပိုး မတွေ့ရတော့သဖြင့် ယနေ့ ဇွန်လ ၂၄ ရက် မွန်းလွဲပိုင်းက ဆေးရုံမှ ဆင်းခွင့်ရပြီ ဖြစ်ကြောင်း သိရသည်။
.
“ ဆေးရုံဆင်းပါတယ်။ ခု ရွာငံကို ရောက်ပါပြီ။ သူ့ကို Quarantine ဆက်ထားမှာပါ” ဟု ရွာငံမြို့နယ် ပြည့်သူ့ကျန်းမာရေးဦးစီးဌာနမှ ဒေါက်တာ ခွန်ဝင်းလတ်မှ ကမ္ဘောဇတိုင်းသို့ ပြောသည်။
.


.
အဆိုပါ COVID-19 လူနာအမှတ်(၂၃၀)သည် ရွာငံမြို့နယ်မှ အသက် ၃၁ နှစ်အရွယ် အမျိုးသား ဖြစ်ကာ ကျန်းမာရေးနှင့် အားကစားဝန်ကြီးဌာနက ပြီးခဲ့သည့် ဇွန်လ ၂ ရက်တွင် ပိုးတွေ့ အတည်ပြုလူနာ အဖြစ် အတည်ပြု ထုတ်ပြန်ခဲ့ခြင်း ဖြစ်ပြီး ဇွန်လ ၃ ရက်မှ ယနေ့ ဇွန်လ ၂၄ ရက်ထိ တောင်ကြီးမြို့ရှိ စဝ်စံထွန်းဆေးရုံတွင် တက်ရောက်ဆေးကုသမှု ခံယူခဲ့ကြောင်း သိရသည်။
.

ထို့အတူ မူဆယ်ဆေးရုံ၌ ဆေးကုသမှု ခံယူခဲ့သည့် လူနာအမှတ်(၂၃၁)၏ ဓါတ်ခွဲနမူနာတွင်လည်း ၂ ကြိမ် ဆက် ပိုး မတွေ့ရတော့သဖြင့် Hospital Quarantine ဝင်နေကြောင်း သိရသည်။

No comments:

Post a Comment

Journal Download

Photo of three cats