COVID-19 လူနာအမှတ် (၂၄၅) ဆိုက်ခေါင်ဆေးရုံသို့ ရောက်ရှိ - Kanbawza Tai News

Breaking

Boxed(True/False)

Sunday, June 28, 2020

COVID-19 လူနာအမှတ် (၂၄၅) ဆိုက်ခေါင်ဆေးရုံသို့ ရောက်ရှိ

ကမ္ဘောဇတိုင်း
.
တောင်ကြီးမြို့၊ စဝ်စံထွန်းဆေးရုံတွင် တက်ရောက်ဆေးကုသမှု ခံယူခဲ့သော ဆီဆိုင်မြို့နယ်၊ ဆိုက်ခေါင် ကျေးရွာမှ COVID-19 ပိုးတွေ့အတည်ပြုလူနာ အမှတ် (၂၄၅) သည် ရောဂါမှ ပြန်လည်သက်သာလာသဖြင့် ဆေးရုံမှ ဆင်းခွင့်ရပြီဖြစ်ကာ ယနေ့ ဇွန်လ ၂၈ ရက်၊ နေ့လယ်ပိုင်းတွင် ဆိုက်ခေါင်သို့ ရောက်ရှိလာပြီ ဖြစ် ကြောင်း သိရသည်။
.
 
.
“ဒီနေ့ နေ့လယ် ၂ နာရီခွဲလောက် ဆိုက်ခေါင်ကို ရောက်ပါတယ်” ဟု တာဝန်ရှိသူတစ်ဦးက ပြောသည်။
.
ယင်း လူနာအမှတ် (၂၄၅) သည် ကချင်ပြည်နယ်၊ မြစ်ဆုံဒေသတွင် ပခုက္ကူမှ အခြားသူများနှင့်အတူ လမ်း လုပ်ငန်း သွားရောက်လုပ်ကိုင်ပြီးနောက် ပြန်လာသူဖြစ်ကာ ဆိုက်ခေါင်ကျေးရွာသို့ မေလ ၂၁ ရက်တွင် ပြန် ရောက်ပြီး ကျန်းမာရေးနှင့် အားကစားဝန်ကြီးဌာန၏ ဇွန်လ ၉ ရက်၊ ည ၈ နာရီအချိန် ထုတ်ပြန်ချက်အရ COVID-19 ရောဂါ ဓါတ်ခွဲအတည်ပြုလူနာအဖြစ် သတ်မှတ်ခဲ့ခြင်းဖြစ်ကြောင်း သိရသည်။
.
မြန်မာနိုင်ငံတစ်ဝှမ်းတွင် ယနေ့ ဇွန်လ ၂၈ ရက်အထိ COVID-19 ရောဂါ ဓါတ်ခွဲအတည်ပြုလူနာ ၂၉၆ ဦး ရှိလာနေပြီဖြစ်ပြီး ၎င်းတို့အနက် ရောဂါပိုး ကင်းစင်လာသူ ၂၁၆ ဦး၊ သေဆုံးသူ ၆ ဦး ရှိခဲ့ပြီး ရှမ်းပြည်နယ်တွင် COVID-19 ပိုးတွေ့လူနာ ၁၀ ဦး ရှိကာ အားလုံး ရောဂါမှ ပြန်လည်သက်သာလာပြီ ဖြစ်ကြောင်း သိရသည်။
.

No comments:

Post a Comment

Journal Download

Photo of three cats

Fixed Sidebar (true/false)