လားရှိုး လဝက ဝန်ထမ်းနှင့် အကျိုးဆောင်တို့ကို အလုပ်နှင့် ထောင်ဒဏ် ၃ နှစ်စီအမိန့်ချ

စုလှိုင်

.

အဂတိလိုက်စားမှု တိုက်ဖျက်ရေးကော်မရှင်က တရားစွဲဆိုထားသည့် လားရှိုးမြို့နယ် လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာဦးစီးဌာနမှ ဝန်ထမ်းတစ်ဦးနှင့် အကျိုးဆောင်တစ်ဦးတို့ကို ယနေ့ဇွန်လ ၂၃ ရက် နေ့လယ်ပိုင်းက ရှမ်းပြည်နယ်တရားလွှတ်တော်မှ အလုပ်နှင့် ထောင်ဒဏ် ၃ နှစ် စီ ကျခံစေရန် အမိန့်ချမှတ် ခဲ့ကြောင်း သိရသည်။

.

.

လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာဦးစီးဌာန မှ ဝန်ထမ်း ဖြစ်သော ဒေါ်ခင်မေထွန်းအား ၂၀၁၃ ခုနှစ် အဂတိလိုက်စားမှုတိုက်ဖျက်ရေး ဥအဒေပုဒ်မ ၅၆ အရ အလုပ်နှင့် ထောင်ဒဏ် ၃ နှစ် တိတိ ကျခံစေရန် နှင့် ချုပ်ရက်များကို ထောင်ကျရက်များမှ ထုတ်နှုတ်ခုနှိမ်ကျခံစေရန် အမိန့်ချမှတ်ခဲ့ကြောင်း သိရသည်။

.

အလားတူ အကျိုးဆောင် ဒေါ်မာရှောက်ဆန်း ကို ၂၀၁၃ ခုနှစ် အဂတိလိုက်စားမှုတိုက်ဖျက်ရေး ဥအဒေပုဒ်မ ၅၆/၆၃ အရ အလုပ်နှင့် ထောင်ဒဏ် ၃ နှစ် တိတိ ကျခံစေရန် နှင့် ချုပ်ရက်များကို ထောင်ကျရက်များမှ ထုတ် နှုတ် ခုနှိမ်ကျခံစေရန် အမိန့်ချမှတ်ခဲ့ကြောင်း သိရသည်။

.

ရှမ်းပြည်နယ်မြောက်ပိုင်း၊ လားရှိုးမြို့နယ်၊ လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာရုံး (လဝက)မှ မြို့နယ် ဦးစီးမှူး ဦးစီးအရာရှိ ဦးကျော်ကျော်လင်းနှင့် ဝန်ထမ်း ၆ ဦး၊ အကျိုးဆောင် ၁ ဦးတို့အား အဂတိ လိုက်စားမှု တိုက်ဖျက်ရေး ကော်မရှင်မှ အဂတိလိုက်စားမှုဖြင့် ပြီးခဲ့သည့် ၂၀၁၉ ခုနှစ်၊ ဇွန်လ ၁၂ ရက်က တရားစွဲဆိုခဲ့ခြင်းဖြစ်ကြောင်း သိရ သည်။

.