ရွှေရည်ဦး
.
ရှမ်းပြည်နယ်တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ၊
ရွာငံမြို့၊ တောင်ကြီး-မန္တလေး ပြည်ထောင်စု လမ်းမကြီး ပေါ်တွင် ယနေ့ မေလ ၃ ရက်၊ နံနက်ပိုင်းက
COVID-19 ရောဂါ ကာကွယ်ထိန်းချုပ်ရေးအတွက် ဒေသခံပြည်သူများ
အား နှာခေါင်းစည်း (Mask) များ အခမဲ့ ဝေငှပြီး ကျန်းမာရေးဆိုင်ရာ
အသိပညာပေးခြင်းများ ပြလုပ်ခဲ့ကြောင်း သိရသည်။
.
.
“ဒီနေ့ ရွာငံဈေးနေ့ပါ။ ဒီမှာက ငါးရက်တစ်ဈေးပဲ
ရှိပါတယ်။ မြို့နယ်တွင်းမှာရှိတဲ့ ရွာတွေကလည်း အများဆုံး လာကြ ပါတယ်။ ဒီရောဂါနဲ့ ပတ်သက်ပြီး
ဆောင်ရန်/ရှောင်ရန်တွေကို သူတို့သိအောင် ရှင်းပြရတာပေါ့။ ဒီနေ့မှာ နှာခေါင်းစည်း
၁၀၀၀ ဝေခဲ့ပါတယ်” ဟု ရွာငံမြို့နယ် ပြည်သူ့လွှတ်တော်ကိုယ်စားလှယ် ဦးအောင်စိုးမင်းက
ကမ္ဘောဇတိုင်းသို့ ပြောသည်။
အဆိုပါ နှာခေါင်းစည်းများကို ရွာငံမြို့နယ်
အမျိုးသမီးပရဟိတအဖွဲ့မှ ဒေါက်တာလှသူဇာအောင်နှင့် မစု မမိုးနိုင် တို့မှ ဦးဆောင်ချုပ်လုပ်
လှုဒါန်းခဲ့ခြင်းဖြစ်ကြောင်း သိရသည်။
.
