ရွာငံတွင် ကျောက်တုံးဖြင့် ဖိထားသည့် ဘိန်းစိမ်းများ ပိုင်ရှင်မဲ့ တွေ့ရှိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, May 7, 2020

ရွာငံတွင် ကျောက်တုံးဖြင့် ဖိထားသည့် ဘိန်းစိမ်းများ ပိုင်ရှင်မဲ့ တွေ့ရှိ


နန်းဝင်းရီ
.
ရှမ်းပြည်နယ်တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ ရွာငံမြို့နယ်၊ မြို့ကြီးကျေးရွာအုပ်စု၊ မြို့ကြီးကျေးရွာအနီး လမ်းဘေးတွင် ​မေလ ၆ ရက်၊ နေ့လယ်ပိုင်းက ကျောက်တုံးဖြင့် ဖိထားသည့် ဘိန်းစိမ်းများ ပိုင်ရှင်မဲ့ တွေ့ရှိသိမ်းဆည်း ရမိခဲ့ကြောင်း သိရသည်။
.
 
.
မန္တလေးတိုင်းဒေသကြီး၊ ကျောက်ဆည်မြို့နယ်နေ ဦးဇော် (၄၂ နှစ်)နှင့် ဇနီးဖြစ်သူ ဒေါ်ခင်မာဌေးတို့သည် ရွာငံမြို့နယ်၊ မြို့ကြီးကျေးရွာအနီးရှိ တောအတွင်းသို့ ဆူးပုတ်ခူးရန် သွားရောက်စဉ် လမ်းဝဲဘက်ရှိ  ကျောက်တုံးများဖြင့် ဖိထားသည့် ဆာလာအိတ် တစ်ထုတ်အားတွေ့ရှိကာ သက်ဆိုင်ရာ တာဝန်ရှိသူများအား အကြောင်းကြားခဲ့ခြင်းဖြစ်ကြောင်း သိရသည်။
.
အဆိုပါ ဆာလာအိတ်အတွင်း အဝါရောင်တိတ်များဖြင့် ပတ်ထားသည့် ဘိန်းစိမ်းဟု ယူဆရသည့် အနက်ရောင် အစေး ထုပ်တစ်ထုပ် ၁ ဒသမ ၅ ကီလိုပါ ၂၁ ထုပ်နှင့် ပေါက်ပြဲထုပ် ၁ ထုပ် စုစုပေါင်း ၂၂ ထုပ်တွင် ၃၂ ဒသမ ၅ ကီလို ကာလ တန်ဖိုး ၁၉၅ သိန်းခန့်အား သိမ်းဆည်းရမိခဲ့ခြင်းဖြစ်ကြောင်း သိရသည်။
.

No comments:

Post a Comment

Journal Download

Photo of three cats

About