မော်မော်
.
ရှမ်းပြည်နယ်မြို့တော် တောင်ကြီးမြို့၊
ဘုရားဖြူရပ်ကွက်တွင် မေလ ၁ ရက်၊ နံနက်ပိုင်းက စိတ်ကြွရူးသွပ်ဆေးပြား ၃၀၀၀ ကျော်အား
တွေ့ရှိသိမ်းဆည်းရမိခဲ့ကြောင်း သိရသည်။
.
 |
| Photo - CCDAC Myanmar |
.
မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ
တပ်ဖွဲ့ဝင်များ ပါဝင်သော ပူးပေါင်းအဖွဲ့သည် မူးယစ်ဆေးဝါးသတင်းအရ မေလ ၁ ရက်၊ နံနက်
၉ နာရီခွဲတွင် သက်သေများနှင့်အတူ တောင်ကြီးမြို့၊ ဘုရားဖြူရပ်ကွက်နေ ဌေးအောင် (ခ) လအန်
(၄၁ နှစ်) ၏ နေအိမ်အား ဝင်ရောက်ရှာဖွေရာ ၎င်းအားနေအိမ်တွင်တွေ့ရှိပြီး
နေအိမ်ဧည့်ခန်းအတွင်းရှိ သံသေတ္တာအတွင်းမှ ပလတ်စတစ်ကပ်ခွာအိတ်များဖြင့်ထည့်ထားသည့်
စိတ်ကြွရူးသွပ်ဆေးပြား ၃၂၄၀ ပြား၊ ဒေသကာလပေါက်စျေးတန်ဖိုးငွေ ကျပ် ၃၂.၄ သိန်းနှင့်
မူးယစ်ဆေးဝါးသုံးစွဲရာတွင်အသုံးပြုသည့် ဆက်စပ် ပစ္စည်းများအား
တွေ့ရှိသိမ်းဆည်းရမိခဲ့ခြင်း ဖြစ်ကြောင်း သိရသည်။
အဆိုပါ စိတ်ကြွရူးသွပ်ဆေးပြားများ သိမ်းဆည်းရမိမှုနှင့်
ပတ်သက်၍ တောင်ကြီးနယ်မြေရဲစခန်းတွင် မူးယစ်ဆေးဝါး နှင့်
စိတ်ကိုပြောင်းလဲစေသောဆေးဝါးများဆိုင်ရာဥပဒေဖြင့် အမှုဖွင့်အရေးယူပြီး
ကွင်းဆက်များဖော်ထုတ် စစ်ဆေးလျက်ရှိကြောင်း သိရသည်။
.
