တောင်ကြီးမြို့ ရုရှားကန်တွင် အမျိုးသား တစ်ဦးရေနစ်သေဆုံး

စုလှိုင်

.

ရှမ်းပြည်နယ်မြို့တော် တောင်ကြီးမြို့၊ ဘုရားဖြူရပ်ကွက် အတွင်းရှိ ရုရှားကန် (ထီသိမ်ကန်)တွင် ယနေ့ မေလ ၁၁ ရက် ညနေပိုင်းက အမျိုသားတစ်ဦး ရေနစ်သေဆုံးမှု ဖြစ်ပွားခဲ့ကြောင်း သိရသည်။

.

Photo - Facebook

 

.

ရေနစ်သေဆုံးသူမှာ တောင်ကြီးမြို့၊ ဟော်ကုန်းရပ်ကွက်နေ အောင်ကျော်ထွန်း (၂၀ နှစ်) ဆိုသူဖြစ်ပြီး ၎င်းသည် ရေကန်အတွင်း ရေဆင်းချိုးရာမှ ရေနစ်သေဆုံးခဲ့ခြင်းဖြစ်ကြောင်း သိရသည်။

.

"ရေနစ်သေဆုံးတာ ဟုတ်ပါတယ်။ သေမှုသေခင်း နဲ့ ဖွင့်ထားပါတယ်”ဟု တောင်ကြီးနယ်မြေ ရဲစခန်း မှ ရဲအုပ် ဌေးလှိုင် က ကမ္ဘောဇတိုင်း သို့ ပြောသည်။

.

အဆိုပါ အောင်ကျော်ထွန်း (၂၀ နှစ်) သေဆုံးမှုနှင့် ပတ်သက်၍ ဓမ္မတာ အတိုင်း ဟုတ်/မဟုတ် သိရှိနိုင်ရန် တောင်ကြီးနယ်မြေရဲစခန်းတွင် သေမှုသေခင်း အမှတ် (၉/၂၀၂၀) ဖြင့် အမှုဖွင့်စစ်ဆေး ဆောင်ရွက်လျက်ရှိကြောင်း သိရသည်။

.

ထီသိမ်ရေလှောင်ကန်(ရုရှားကန်)သည် တောင်ကြီးမြို့၊ ဘုရားဖြူရပ်ကွက်အတွင်း၌ တည်ရှိပြီး သံဆူးကြိုးများဖြင့် ကာရံထားရှိကာ ပြည်သူများအနေဖြင့် လာရောက်ခြင်း မပြုလုပ်ရန် သက်ဆိုင်ရာ တာဝန်ရှိသူများမှ ပိတ်ပင်တားမြစ်မှုများ ပြုလုပ်ထားကြောင်း သိရှိရသည်။

.