မူဆယ်ဆေးရုံမှ COVID-19 အတည်ပြုလူနာ အမှတ် (၁၄၃) ၏ ကျန်းမာရေး ကောင်းမွန်နေ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, May 5, 2020

မူဆယ်ဆေးရုံမှ COVID-19 အတည်ပြုလူနာ အမှတ် (၁၄၃) ၏ ကျန်းမာရေး ကောင်းမွန်နေ


စုလှိုင်
.
ရှမ်းပြည်နယ်မြောက်ပိုင်း၊ မူဆယ်ပြည်သူ့ဆေးရုံကြီးတွင် တက်ရောက်ဆေးဝါးကုသမှု ခံယူနေသည့် COVID-19 အတည်ပြုလူနာ အမှတ် (၁၄၃) ၏ ကျန်းမာရေးအခြေအနေမှာ ကောင်းမွန်နေကြောင်း သိရသည်။
.
.
“လူနာက ကျန်းမာရေး ကောင်းပါတယ်။ အဖျားလည်းမရှိဘူး။ အဆုတ်လည်း ကောင်တယ်။ ဓါတ်ခွဲနမူနာ ကတော့ တစ်ခါပဲ ပို့ရသေးတယ်။ ၁၁ ရက်မြောက်နေ့မှ ထပ်ပို့ရမှာပါ” ဟု ရှမ်းပြည်နယ်မြောက်ပိုင်း ပြည်သူ့ ကျန်းမာရေးနှင့် ကုသရေးဦးစီးဌာနမှူး ဒေါက်တာတင်မောင်ညွန့်က ကမ္ဘောဇတိုင်းသို့ ပြောသည်။
.
မူဆယ်ခရိုင်အတွင်းရှိ ဆေးရုံအသီးသီးတွင် COVID-19 သံသယလူနာ မရှိဘဲ စောင့်ကြည့်လူနာ ၁၅ ဦး ရှိနေ ကြောင်း ၎င်းက ဆက်လက်ပြောဆိုခဲ့သည်။
.
ရှမ်းပြည်နယ်အတွင်း ယနေ့ မေလ ၅ ရက်အထိ COVID-19 ပိုးတွေ့လူနာ ၇ ဦး အထိ ရှိနေပြီး ၎င်းတို့အနက် ၂ ဦးမှာ ဆေးရုံမှ ဆင်းခွင့်ရပြီဖြစ်ကာ ကျန် ၅ ဦးမှာ တောင်ကြီးမြို့၊ စဝ်စံထွန်းဆေးရုံတွင် တက်ရောက်ဆေးကုသမှု ခံယူနေသော လူနာအမှတ် (၁၂၁)၊ ကျိုင်းတုံပြည်သူ့ဆေးရုံကြီးတွင် တက်ရောက်ဆေးကုသမှု ခံယူနေသော လူနာအမှတ် (၆၄)၊ လူနာအမှတ် (၉၆)၊ လူနာအမှတ် (၁၁၂) နှင့် မူဆယ်ပြည်သူ့ဆေးရုံ ကြီးတွင် တက်ရောက်ဆေးကုသမှု ခံယူနေသော လူနာအမှတ် (၁၄၃) တို့ဖြစ်ကြောင်း သိရသည်။
.

No comments:

Post a Comment

Journal Download

Photo of three cats

About