လားရှိုးတွင် ဆိုင်ကယ်ဖြင့် သယ်ဆောင်လာသည့် ကျပ်သိန်း ၄၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းမိ

နန်းဝင်းရီ

.

ရှမ်းပြည်နယ် မြောက်ပိုင်း၊ လားရှိုးမြို့နယ်၊ လားရှိုး-နမ္မတူသွားလမ်းတွင် မေလ ၂ ရက် ညနေပိုင်းက မော်တော်ဆိုင်ကယ်ဖြင့် သယ်ဆောင်လာသည့် ကျပ်သိန်း ၄၀ တန်ဖိုးရှိ စိတ်ကြွရူးသွပ်ဆေးပြားများအား မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့မှ ဖမ်းဆီးရမိခဲ့ကြောင်း သိရသည်။

.

.

လားရှိုးမြို့နယ်၊ လားရှိုး-နမ္မတူသွားလမ်းပေါ်တွင် လားရှိုးမြို့ဘက်မှ နမ္မတူမြို့ဘက်သို့ ခေးခမ်းကျေးရွာအုပ်စု၊ တောင်နောက်ကျေးရွာနေသူများဖြစ်သည့် အိုက်ထွေး (၃၅ နှစ်) မောင်းနှင်ပြီး မအေးအိုင် (၃ ၈နှစ်) စီးနင်းလိုက်ပါလာသည့်မော်တော်ဆိုင်ကယ်အား စစ်ဆေးရှာဖွေရာ ဆိုင်ကယ်ခွကြားတွင် တင်ဆောင်လာသည့် လက်ဆွဲခြင်း အတွင်းမှ ပလတ်စတစ်ကပ်ခွာအိတ်များဖြင့် ထည့်ထားသည့် စိတ်ကြွရူးသွပ်ဆေးပြား ၂၀ဝ၀ ပြား၊ တန်ဖိုးငွေကျပ် ၄၀ သိန်းအား တွေ့ရှိသိမ်းဆည်းရမိခဲ့ခြင်းဖြစ်ကြောင်း သိရသည်။

.

အဆိုပါ မူးယစ်ဆေးဝါးများ ဖမ်းဆီးရမိမှုနှင့် ပတ်သက်၍ အိုက်ထွေးနှင့် မအေးအိုင်အား လားရှိုးမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲ စေသော ဆေးဝါးများဆိုင်ရာဥပဒေဖြင့် အမှုဖွင့်အရေးယူပြီး ကွင်းဆက်များဖော်ထုတ် စစ်ဆေးလျက်ရှိကြောင်း သိရသည်။

.