လားရှိုးမြို့နယ်အတွင်းရှိ ဈေးများတွင် စားသောက်ကုန်နှင့် ဆေးဝါးများသာ ရောင်းချခွင့်ပြု - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, May 1, 2020

လားရှိုးမြို့နယ်အတွင်းရှိ ဈေးများတွင် စားသောက်ကုန်နှင့် ဆေးဝါးများသာ ရောင်းချခွင့်ပြု


ကိုစိုး (ကမ္ဘောဇတိုင်း)
.
ရှမ်းပြည်နယ်မြောက်ပိုင်း၊ လားရှိုးမြို့နယ်အတွင်းရှိ စည်ပင်သာယာရေးဌာနပိုင် ဈေးများတွင် စားသောက်ကုန်နှင့် ဆေးဝါးများသာ ရောင်းချခွင့် ပြုထားပြီး ကျန်ဆိုင်ခန်းများအား ဖွင့်လှစ်ရောင်းချခြင်း မပြုရန် လားရှိုးမြို့နယ်စည်ပင် သာယာရေးဌာနက ဧပြီပ ၃၀ ရက်တွင် အမိန့်ကြော်ငြာစာ ထုတ်ပြန်ထားမြစ်ထားကြောင်း သိရသည်။
.
.
COVID-19 ကပ်ရောဂါ ကာကွယ်ရေးအတွက် အမိန့်ထုတ်တာဖြစ်ပါတယ်။ ကာလအပိုင်းအခြားအနေနဲ့ကတော့ ဒီရောဂါကပ်ကြီး မပြီးမချင်းပေါ့။ ဈေးဆိုတာ လူစုလူဝေး နေရာဖြစ်တဲ့အတွက် ကန့်သတ်တာဖြစ်ပါတယ်။ ရပ်ကွက် တွင်းက ဆိုင်တွေကတော့ ပြဿနာသိပ်မရှိပါဘူး။ လိုက်နာမှုမရှိရင်တော့ ပြစ်မှုအကြီးအသေးပေါ်မူတည်ပြီးတော့ အရေးယူသွားမှာပါ” ဟု လားရှိုးမြို့နယ်စည်ပင်သာယာရေးဌာနမှ အမှုဆောင်အရာရှိ ဦးကျော်ဇင်က ကမ္ဘောဇတိုင်းသို့ ပြောသည်။
.
ရှမ်းပြည်နယ်စည်ပင်သာယာရေးဌာနခွဲ (လားရှိုး) ၏ ဧပြီလ ၂၇ ရက်စွဲပါစာအရ COVID-19 ကပ်ရောဂါ ကာကွယ် ထိန်းချုပ်နိုင်ရေးအတွက် ယင်းကဲ့သို့ တားမြစ်ခြင်းဖြစ်ပြီး လိုက်နာမှုမရှိပါက ရှမ်းပြည်နယ်စည်ပင်သာယာရေးဥပဒေ နှင့်အညီ အရေးယူဆောင်ရွက်သွားမည်ဖြစ်ကြောင်း သိရသည်။
.
လားရှိုးမြို့နယ်အတွင်း မြို့မဈေး၊ လားရှိုးကြီးဈေး၊ မန်ဆူဈေးနှင့် အောင်မင်္ဂလာဈေး ဟူ၍ အဓိကဈေးကြီး ၄ ခုရှိပြီး မြို့နယ်လူဦးရေ ၂၉၁၆၉၇ ဦး ရှိကြောင်း သိရသည်။
.

No comments:

Post a Comment

Journal Download

Photo of three cats

About