COVID-19 ကြောင့် ရောင်းချရန် ခက်ခဲသည့်အတွက် ရုပ်ရှင်သရုပ်ဆောင်လွင်မိုး၏ လီလီပန်းများ စွန့်ပစ်နေရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, May 11, 2020

COVID-19 ကြောင့် ရောင်းချရန် ခက်ခဲသည့်အတွက် ရုပ်ရှင်သရုပ်ဆောင်လွင်မိုး၏ လီလီပန်းများ စွန့်ပစ်နေရ


ကမ္ဘောဇတိုင်း
.
COVID-19 ကပ်ရောဂါ ကူးစက်ပြန့်ပွားမှုကြောင့် ရောင်းချရန် ခက်ခဲသည့်အပြင် ဝန်ထမ်းများ လျှော့ချထားရသည့် အတွက် ရုပ်ရှင်သရုပ်ဆောင် လွင်မိုး ပိုင်ဆိုင်သည့် ရှမ်းပြည်နယ်တောင်ပိုင်း၊ ကလောမြို့နယ်၊ ဟဲဟိုးမြို့ရှိ လီလီပန်းခြံ မှ ပန်းများ စွန့်ပစ်နေရကြောင်း သိရသည်။
.
Photo - Lwin Moe
 
.
“သင်္ကြန်မတိုင်ခင်နဲ့ သင်္ကြန်အပြီးကာလမှာ ရောင်းဖို့ဆိုပြီး အများကြီး စိုက်ထားတာပါ။ အခုတော့ COVID-19 ကြောင့် ပို့နေကျ ဆိုင်တွေကို မပို့ရတဲ့အပြင် ဆိုင်ကိုလည်း လူဝင်ထွက်လို့ မရတော့ဘူး။ နောက်ပြီးတော့ ဝန်ထမ်းအင်အား တွေလည်း လျှော့ချထားရတဲ့အတွက် Delivery လမ်းကြောင်းတွေလည်း နည်းသွားတယ်။ အများကြီး စိုက်ထားတဲ့ ပန်းတွေက ပျက်စီးသွားတဲ့အတွက် စွန့်ပစ်လိုက်ရတာပါ” ဟု ယင်းလီလီပန်းခြံမှ တာဝန်ရှိသူတစ်ဦးက ကမ္ဘောဇတိုင်း သို့ ပြောသည်။
.
အဆိုပါ လီလီပန်းခြံအပြင် ရှမ်းပြည်နယ်အတွင်းရှိ ခရမ်းချဉ်သီး အပါအဝင် အခြား သီးနှံများလည်း COVID-19 ကပ်ရောဂါကြောင့် ရောင်းချရန် ခက်ခဲနေသည့်အတွက် အခမဲ့ ဝေငှခြင်း၊ စွန့်ပစ်ရခြင်းများ ရှိနေပြီး တောင်သူများ ထိခိုက်နစ်နာမှုများ ရှိနေကြောင်း သိရသည်။
.

No comments:

Post a Comment

Journal Download

Photo of three cats

About