ဟိုပုံးမြို့နယ်ရှိ ထမ်စမ်းလိုဏ်ဂူနှင့် ရွှေတိဂုံပုံတူဘုရားသို့ လာရောက်သူ များပြားနေ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, May 17, 2020

ဟိုပုံးမြို့နယ်ရှိ ထမ်စမ်းလိုဏ်ဂူနှင့် ရွှေတိဂုံပုံတူဘုရားသို့ လာရောက်သူ များပြားနေ


ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်ရှိ ထမ်စမ်းလိုဏ်ဂူနှင့် ရွှေတိဂုံ ပုံတူစေတီတော်သို့ ယနေ့ (မေလ ၁၇ ရက်)တွင် ဒေသခံတိုင်းရင်းသား အများအပြား လာရောက် ဖူးမြော် လည်ပတ်နေလျက် ရှိကြောင်း သိရသည်။
.
 “ကိုရင်လေးကျောင်းကိုတော့ အဝင် မခံဘူး၊ လူတွေကတော့ နှစ်တိုင်းလာတဲ့ သူတွေကတော့ ကန့်သတ်ထားတာ မရှိတော့ လာနေကြတဲ့ သဘောပေါ့။ လောလောဆယ် (မေလ ၁၇ ရက်၊ နံနက် ၁၀ နာရီ)တော့ ကားက အစီးရေ ၁၀၀ ကျော်၊ ဆိုင်ကယ်က ၅၀၀ လောက် ရှိတယ်။ အခုလည်း လာနေကြတုန်းပဲ။ လူကတော့ ပြည့်နေပြီ၊ အနည်းဆုံးကတော့ ၂ သောင်းလောက်တော့ ရှိနေပြီ။ ထပ် များလာဖို့ ရှိတယ်။ ဆရာတော်က နေ့လယ် ၂ နာရီမှ ထမ်စမ်းကို လာမှာတဲ့။” ဟု အဆိုပါ ထမ်စမ်းလိုဏ်ဂူသို့ ရောက်ရှိနေသူ တစ်ဦးက လက်ရှိ မျက်မြင်အခြေအနေအား ကမ္ဘောဇတိုင်းသို့ ပြောသည်။
.

ဟိုပုံးကိုရင်လေး၏ သက်တော် ၄၆ နှစ်ပြည့် မွေးနေ့ဖြစ်သည့်အတွက် လာရောက် လည်ပတ် ဖူးမြော်ခြင်း ဖြစ်ကာ ယခင်က လုပ်အားပေးများသာ လာရောက်သော်လည်း ယခုတွင် လာရောက်သူ ပိုမိုများပြားကြောင်း  ဟိုပုံး ဒေသခံများထံမှ သိရသည်။
.
အဆိုပါ အခြေအနေနှင့် ပတ်သက်၍ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်အား ဆက်သွယ်မေးမြန်းရာ “ ကျွန်တော်တို့ဘက်ကတော့ ပြောပြီးပြီ၊ အဲဒါတော့ သူ့ အစီအစဉ်နဲ့ သူ လုပ်တာပေါ့နော်။ ကျွန်တော်တို့ကတော့ ပြောပြီးပြီပေါ့နော်။ လူစုလူဝေး မလုပ်ရဘူးလို့ ပြောထားပြီးပြီ။ ကျွန်တော်တို့ မသိဘူး၊ ဘယ်သူမှ အသိမပေးဘူးပေါ့။” ဟု ပြောသည်။
.
ဟိုပုံးမြို့နယ်ရှိ ထမ်စမ်းလိုဏ်ဂူတော်နှင့် ရွှေတိဂုံပုံတူ စေတီတော်တို့မှာ ရှမ်းပြည်နယ် တောင်ပိုင်း၏ အထင်ကရ နေရာများ ဖြစ်သည်။

No comments:

Post a Comment

Journal Download

Photo of three cats

About