နန်းဝင်းရီ
.
ရှမ်းပြည်နယ်တောင်ပိုင်း၊ ကလောမြို့၊ အမှတ် (၉)ရပ်ကွက်၊ ဒညင်းကုန်းခြံတွင်
မေလ ၁၂ ရက် ညပိုင်းက အမျိုးသား တစ်ဦး အရက်အမူးလွန်သေဆုံးမှု ဖြစ်ပွားခဲ့ကြောင်း သိရသည်။
.
.
ကလောမြို့၊ အမှတ်(၉)ရပ်ကွက်နေ ကိုအောင်ကျော်စိုး (ခ) ပုံဆိုး သည်
မေလ ၁၂ ရက်၊ ညနေပိုင်းက တစ်ရပ်ကွက် တည်းနေ ဦးမြင့်လွင်နှင့် ဒေါ်စန်းရင်တို့၏ နေအိမ်သို့
လာရောက်၍ အရက်အတူသောက်ရန် ဦးမြင့်လွင်နှင့်အတူ ထွက်ခွာသွားခဲ့ပြီး ည ၉ နာရီခန့်တွင်
အရက်မူးကာ ပြန်လည်ရောက်ရှိလာပြီး နေအိမ်ခြေရင်းရှိ သစ်ပင်ရိပ် အောက်တွင် အိပ်နေရာ ဒေါ်စန်းရင်မှ
နှိုး၍ အိမ်ပေါ်သို့ တက်အိပ်ရန် ပြောဆိုရာ ကိုအောင်ကျော်စိုး မှ ဘုရားစင် ရှေ့တွင်
သွားရောက်အိပ်စက်ခဲ့ကြောင်း သိရသည်။
ထို့နောက် မေလ ၁၃ ရက်၊ နံနက် ၄ နာရီခန့်တွင် ဒေါ်စန်းရင်သည် နေအိမ်ခြံဝန်းအတွင်း
သစ်ပင်များစိုက်ပျိုးပြီးနောက် ကိုအောင်ကျော်စိုးအား နှိုးရာ နှိုးမရဘဲ ပက်လက်အနေအထားဖြင့်
သေဆုံးနေသည်ကို တွေ့ရှိခဲ့ရခြင်းဖြစ်ကြောင်း သိရသည်။
.
“သေမှုသေခင်းနဲ့ အမှုဖွင့်ထားတယ်။ အမှတ်စဉ် ၉/၂၀၂ဝနဲ့ စစ်ဆေးနေပါတယ်”
ဟု ကလောမြို့မှ ရဲစခန်းမှ ရဲအုပ် လှနိုင်က ကမ္ဘောဇတိုင်းသို့ ပြောသည်။
.
သေဆုံးသူသည် ဦးမြင့်လွင်တို့၏ နေအိမ်တွင် လွန်ခဲ့သော ၃ လခန့်မှစ၍
လာရောက်နေထိုင်ခဲ့ကာ ဦးမြင့်လွင်နှင့်အတူ နေ့စဉ်နီးပါး အရက်အတူတူ သောက်ခဲ့ကြကြောင်း
သိရသည်။
.
အဆိုပါ သေဆုံးမှုနှင့်ပတ်သက်၍ ဓမ္မတာအတိုင်းသေဆုံးခြင်းဟုတ်/မဟုတ်
သိရှိနိုင်ရန် ကလောမြို့မရဲစခန်းတွင် သေမှုသေခင်းအမှတ်စဉ် (၉/၂၀၂၀) ဖြင့် အမှုဖွင့်စစ်ဆေး
ဆောင်ရွက်လျက်ရှိကြောင်း သိရသည်။
.
