ဟိုပုံးမြို့နယ်အတွင်းရှိ ရေရှားပါးသော ဝမ့်အွန်ကျေးရွာသို့ သောက်သုံးရေများ လှူဒါန်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, May 6, 2020

ဟိုပုံးမြို့နယ်အတွင်းရှိ ရေရှားပါးသော ဝမ့်အွန်ကျေးရွာသို့ သောက်သုံးရေများ လှူဒါန်း

နေမင်းထွန်း (ဟိုပုံး)

.

ရှမ်းပြည်နယ်တောင်ပိုင်း၊ ပအိုဝ်းကိုယ် ပိုင်အုပ်ချုပ် ခွင့်ရဒေသ၊ ဟိုပုံးမြို့နယ်အတွင်းရှိ ရေရှားပါးသော ပေါင်လင်း ကျေးရွာအုပ်စု၊ ဝမ့်အွန်ကျေးရွာသို့ စိုက်ပျိုးရေး၊ မွေးမြူရေးနှင့်ဆည်မြောင်း ဝန်ကြီးဌာန၊ ဟိုပုံးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မှ မေလ ၅ ရက်၊ ညနေပိုင်းတွင် ရေဂါလံ ၈၀၀ သွားရောက် လှူဒါန်းခဲ့ကြောင်းသိရသည်။

.

.

"ဝမ့်အွန်ကျေးရွာက ဟိုပုံးမြို့နဲ့ ၈ မိုင်လောက်ဝေးပြီး သောက်သုံး ရေရှိရေးအတွက် ကျေးရွာရေထွက်ရှိတဲ့ နေရာကို ၂ မိုင် လောက် သွားသယ်ရပါတယ်" ဟု ဟိုပုံးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးထျာရယ် က ပြောကြားသည်။

.

ဝမ့်အွန်ကျေးရွာတွင် အိမ်ခြေ ၈၈ အိမ်၊ လူဦးရေ ၃၉၆ ဦးရှိပြီး၊ တောင်ယာလုပ်ငန်းကိုသာ အဓိကအားထားနေ ရသူများ ဖြစ်သည့်အတွက် နှစ်စဉ်နှစ်တိုင်းနွေရာသီကာလတွင် သောက်သုံးရေလုံလောက်စွာရရှိနိုင်ရေး အခက်အခဲကြုံ နေရသောကြောင့် ယခုလိုလာရောက်လှူဒါန်းရခြင်းဖြစ်ကြောင်း ၎င်းက ဆက်လက်ပြောဆိုခဲ့သည်။

.

အဆိုပါကျေးရွာသို့ မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးနန်းတင့်၊ မြို့နယ်ကျေးလက် ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူးဦးထျာရယ်၊ မြို့နယ်မီးသတ်ဦးစီးမှူး ဦးစောမောင်နှင့် မီးသတ်တပ်ဖွဲ့ဝင်တို့က သောက်သုံးရေများ ပေးဝေခဲ့ ကြောင်းသိရသည်။

.

No comments:

Post a Comment

Journal Download

Photo of three cats

About