ဟိုပုံးတွင် ညမထွက်ရအမိန့်ကို ဖောက်ဖျက်ကျူးလွန်သူ မရှိကြောင်း မြို့နယ်အုပ်ချုပ်ရေးမှူး ပြော

နန်းဝင်းရီ

.

ရှမ်းပြည်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့နယ်တွင် မေလ ၁၁ ရက် နံနက်ပိုင်းအထိ ညအမိန့် ကို ချိုးဖောက်သူ မရှိသေးကြောင်း မြို့နယ်အုပ်ချုပ်ရေးမှူး ဦးနန်းတင့်က ပြောဆိုခဲ့သည်။

.

 

.

"ဟိုပုံးမြို့မှာက ညအမိန့် ချိုးဖောက်သူ မရှိဘူး"ဟု ဟိုပုံးမြို့နယ်အုပ်ချုပ်ရေးမှူး ဦးနန်းတင့်က ကမ္ဘောဇတိုင်းသို့ ပြောသည်။

.

ယင်းကဲ့သို့ ပြောဆိုမှုနှင့် ပတ်သက်၍ ဟိုပုံးဒေသခံ တစ်ဦးက "ညညတော့ ဆိုင်ကယ်သံတော့ ကြား​​နေရတယ်။ မရှိဘူးလို့​ပြောတာတော့ အံ့သြမိတယ်။ သူတို့ မဖမ်းတာလားတော့ မသိဘူးပေါ့" ဟု ၎င်း၏ အမြင်ကို ပြောဆိုခဲ့သည်။

.

ရှမ်းပြည်နယ်အတွင်းရှိ မြို့နယ်များအားလုံး၌ COVID-19 ကပ်ရောဂါ ကာကွယ်ထိန်းချုပ်ရေး ကာလအတွင်း ညမထွက်ရအမိန့်ကို ၂၀၂၀ ပြည့်နှစ်၊ ဧပြီလ ၂၀ ရက်မှ စတင်၍ ထုတ်ပြန်ထားခြင်းဖြစ်ပြီး ရှမ်းပြည်နယ်မြို့တော် တောင်ကြီးမြို့ အပါအဝင် မြို့များတွင် အမိန့်အား ဖောက်ဖျက်ကျူးလွန်သူများကို အရေးယူမှုများ ရှိနေသော်လည်း ဟိုပုံးတွင် အရေးယူမှုများ မရှိသေးခြင်းဖြစ်ကြောင်း သိရသည်။

.