ကျန်းမာရေးဝန်ထမ်းများကို H1N1 ကာကွယ်ဆေး ထိုးနှံပေးသွားမည် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, May 9, 2020

ကျန်းမာရေးဝန်ထမ်းများကို H1N1 ကာကွယ်ဆေး ထိုးနှံပေးသွားမည်


စုလှိုင်
.
ရှမ်းပြည်နယ်အတွင်းရှိ ကျန်းမာရေးဝန်ထမ်းများအား လာမည့် ဇွန်လအတွင်း H1N1 ရာသီတုပ်ကွေးရောဂါ ကာကွယ်ဆေး ထိုးနှံပေးနိုင်ရန် စီစဉ်ဆောင်ရွက်လျက်ရှိကြောင်း ရှမ်းပြည်နယ် ပြည်သူ့ကျန်းမာရေးဦးစီးဌာနမှ သိရသည်။
.
 
.
“ဒီလကုန်လောက် ဆိုရင် ရာသီတုပ်ကွေး လာတော့မယ်။ မနှစ်ကလည်း ဇူလိုင်လလောက်က ရာသီတုပ်ကွေး အမြင့်ဆုံး ဖြစ်ခဲ့တယ်။ အခုက လူတိုင်းအတွက်တော့ မဟုတ်သေးဘူး။ ကျန်းမာရေးဝန်ထမ်းတွေကို ဒီဇွန်လယ် လောက်မှာ H1N1 ကာကွယ်ဆေး ထိုးပေးနိုင်ဖို့ စီစဉ်ထားပါတယ်” ဟု ရှမ်းပြည်နယ်ပြည်သူ့ကျန်းမာရေးဦးစီးဌာနမှ ဒေါက်တာနှင်းအိဖြူက ကမ္ဘောဇတိုင်းသို့ ပြောသည်။
.
နှစ်စဉ် မိုးရာသီကာလဖြစ်သော ဇွန်လ၊ ဇူလိုင်လများသည် H1N1 ရာသီတုပ်ကွေးရောဂါ ဖြစ်ပွားမှု အများဆုံးကာလ ဖြစ်သည့်အတွက် ကာကွယ်ဆေးထိုးနှံပေးရန် လိုအပ်ပြီး အသက်အရွယ်ကြီးရင့်သူများနှင့် ကိုယ်ဝန်ဆောင်များကို လည်း ကာကွယ်ဆေးထိုးနှံပေးနိုင်ရန် စီစဉ်ဆောင်ရွက်လျက်ရှိကြောင်း ၎င်းထံက သိရသည်။
.
H1N1 ခေါ် ရာသီတုပ်ကွေးရောဂါ၏ လက္ခဏာများမှာ ဖျားခြင်း၊ ချောင်းဆိုးခြင်း၊ လည်ချောင်းနာခြင်း၊ နှာရည်ယိုခြင်း၊ ကိုယ်လက် နာကျင်ကိုက်ခဲခြင်း၊ ခေါင်းကိုက်ခြင်း၊ ချမ်းတုန်ဖျားခြင်း၊ ကိုယ်လက်မအီမသာဖြစ်ခြင်း စသော လက္ခဏာ များ ဖြစ်ပွားတတ်ပြီး အန်ခြင်း၊ ဝမ်းလျှောခြင်း စသော လက္ခဏာများလည်း တွေ့နိုင်ကာ ရောဂါပိုး ဝင်ရောက်ချိန်မှ ရောဂါလက္ခဏာ ပြသချိန်အထိ တစ်ရက်မှ ၅ ရက်အထိ ကြာမြင့်တတ်ကြောင်း သိရသည်။
.
ပြီးခဲ့သည့် ၂၀၁၇ ခုနှစ်၊ မိုးရာသီကာလအတွင်းက မြန်မာတစ်နိုင်ငံလုံး အတိုင်းအတာဖြင့် ရာသီတုပ်ကွေးရောဂါ H1N1 ပိုးတွေ့လူနာ ၂၃၀ ဦး ရှိခဲ့ပြီး သေဆုံးသူ ၂၃ ဦးခန့် ရှိခဲ့ကာ ရှမ်းပြည်နယ်အတွင်း၌ ရောဂါပိုး တွေ့ရှိသူ ၁၅ ဦးခန့် ရှိခဲ့ပြီး သေဆုံးသူ မရှိခဲ့ကြောင်း သိရသည်။
.

No comments:

Post a Comment

Journal Download

Photo of three cats

About